काठमाडौँ : चारदेशीय टी–ट्वान्टी क्रिकेट श्रृङ्खलामा नेपालले विजयी सुरुवात गरेको छ । शुक्रबार भएको पहिलाे खेलमा नेपालले ओमानलाई ६ विकेटले हराउँदै विजयी सुरुवात गरेकाे हाे । जितका लागि ओमानले दिएको १३६ रनको लक्ष्य नेपालले १९ ओभर ३ बलमा ४ विकेट गुमाएर भेट्टायो ।
नेपालको जितमा दीपेन्द्रसिंह ऐरीले नटआउट ७३ रनको योगदान दिए । अन्तिम ओभरमा जितका लागि ९ रन चाहिएकोमा ऐरीले दुई चौका प्रहार गर्दै नेपालको जित सुनिश्चित गरेका थिए । ५३ बलको सामना गरेका ऐरीले ८ चौका र १ छक्का प्रहार गरे ।
यस्तै शरद भेषावाकरले नटआउट ४ रन बनाए । खराब सुरुवात गरेको नेपालका लागी ओपनर ब्याटरले राम्रो प्रदर्शन गर्न सकेनन् । प्रदीप ऐरी ४ रनमा आउट हुँदा आसिफ शेखले दुई चौकाको मद्धतमा १४ रन मात्रै बनाए ।
यस्तै ज्ञानेन्द्र मल्ल १३ रनमा आउट हुँदा आरिफ शेखले भने २५ रनकाे याेगदान दिए । एउटा इण्डबाट क्रिजमा टिकेर आक्रामक ब्याटिङ गरेका ऐरीले नेपाललाई जितसम्म पुर्याएका हुन् । ओमानका लागि केल्लीमुल्लाहले २ विकेट लिए । उनले नेपालका दुवै ओपनरलाई आउट गरेका थिए ।
यसअघि टस हारेर पहिले ब्याटिङ गरेको ओमानले निर्धारित २० ओभरमा ६ विकेट गुमाएर १३५ रन बनाएको हो । उसका लागि कप्तान जिसन मसुदले सर्वाधिक ४३ रन बनाए । नेपालका अविनाश बोहराले सर्वाधिक ३ विकेट लिए ।
ओपनिङ समस्या बल्झिएपनि चारदेशीय टी–ट्वान्टी श्रृङ्खलामा नेपालले सुधारिएको प्रदर्शन गरेको छ ।
काठमाडौँ । नेपाल अटोमोबाइल इम्पोर्टर्स एन्ड म्यान्युफ्याक्चरर्स एसोसिएसन (नाईमा) ले गत भदौ २३ र २४…
टोकियो - पछिल्लो समयमा नेपालमा खासगरी युवा पुस्तामाझ अत्यधिक रुचाईएको साँगीतिक 'ब्याण्ड सज्जनराज वैद्य' को…
विर्तामोड, झापा — नव आदर्श टोल विकास संस्थाले सामाजिक उत्तरदायित्वका भावना सहित समाजसेवामूलक अभियान अन्तर्गत…
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…