गत भदौ २ गते शेयर बजार अधिकतम विन्दुमा पुगेर तल झर्ने क्रममा २२८१ अंकसम्म घट्यो । नेप्से सूचक २२८१ सयसम्म तल झरेर उकालो लाग्ने क्रममा साढे ५ सय भन्दा धेरै अंकले सुधार भइसकेको छ । आज सताको पहिलो दिन पनि नेप्से सूचक ७३.०१ अंकले सुधार भएर २७६५.४७ मा बन्द भएको छ । सूचकमा आएको सुधार सँगै कारोबार रकम पनि ७ अर्ब १० करोड रुपैयाँ नाघेको छ ।
आज विकास बैंक, फाइनान्स, हाइड्रोपावरको शेयरमा उछाल आएको छ । १८३ वटा कम्पनीको मूल्य बढ्दा ६ वटाको भने घटेको छ । केहिदिनदेखि भारतमा कोभिड १९ को संक्रमण ह्वात्तै बढेको छ । जसको प्रभाव नेपालमा पनि देखिन थालिसकेको छ । भारतले केहि दिन भित्रै लकडाउन गर्ने हल्ला चल्दै गर्दा नेपालले पनि केहि दिन भित्रै स्मार्ट लकडाउन गर्न सक्ने अनुमान गरिएको छ । आजै कतिपय विद्यालयहरुले भौतिक पठन पाठन बन्द गरिसकेका छन् ।
यदि लकडाउन भयो भने यस भन्दा अगाडीको बुल पुनः दोहोरिन सक्ने लगानीकर्ताको अनुमान छ । यदि कोभिड १९ का कारण लकडाउन भयो भने व्यापार व्यवसाय ठप्प हुने र कर्जा रोकिने भएकाले बैंकिङ तरलता सहज हुने अनुमान गरिएको छ । भारतले केहि दिन भित्रमै सिमानाहरु बन्द गर्ने तयारी गरेकाले नेपालमा भित्रिने सामान पनि रोकिन्छ । सामान आयात रोकिने वित्तीकै व्यापारीले पुन शेयर बजारमा पैसा लगानी गर्ने र उचाल्ने विश्लेषण गरिएको छ ।
अन्य क्षेत्र बन्द भए पनि शेयर बजार भने अनलाइनबाट हुने भएकाले बन्द हुँदैन । त्यसैले गर्दा शेयर बजार पुन बढ्न सक्ने अनुमान गरिएको छ ।