Warning: Creating default object from empty value in /home/gorkhali/public_html/wp-content/themes/luklanews/inc/ReduxCore/inc/class.redux_filesystem.php on line 29
सम्झौता विपरीतको संरचना २४ घण्टाभित्र हटाउन नर्भिक अस्पताललाई निर्देशन – Gorkhali Voice

सम्झौता विपरीतको संरचना २४ घण्टाभित्र हटाउन नर्भिक अस्पताललाई निर्देशन

२०७९, २३ श्रावण सोमबार १६:२८

काठमाडौँ – काठमाडौँ महानगरपालिकाका मेयर बालेन्द्र शाह (बालेन)ले नर्भिक अस्पताललाई सरकारसँग लिजमा लिएको जग्गामा नक्सा पास नगरी बनाएको संरचना २४ घण्टाभित्र हटाउन निर्देशन दिएका छन्।

अस्पतालले बनाएको उक्त संरचना सरकारसँग भएको सम्झौताविपरीत भएकोले २४ घण्टाभित्र हटाउन निर्देशन दिइएको हो। अन्यथा नियमअनुसार कारबाही हुने चेतावनीसमेत महानगरले दिएको छ।

‘प्रस्तुत विषयमा नेपाल सरकारको नाममा दर्ता कायम रहेको कि.नं. २०८५ क्षे.फ. १–८–१–१ जग्गा हस्पिटलले लिजमा लिई उक्त जग्गाको पश्चिमतर्फ निर्मित संरचनाहरु (क्यान्टिन भवनलगायत) नेपाल सरकारसँग भएको सम्झौताविपरीत नक्सा पास स्वीकृत नगरी निर्माण भएको पाइएकोले श्रीमान् प्रमुखज्यूको आदेशानुसार उक्त संरचना २४ घण्टाभित्र हटाउनु हुन जानकारी गराइन्छ। अन्यथा नियमानुसार कारबाही गरिने व्यहोरासमेत सूचित गरिन्छ,’ महानगरको सहरी व्यस्थापन विभागका विभागीय प्रमुख सुरज शाक्यले जारी गरेको सूचनामा उल्लेख छ।

Comments

ताजा खबर

    सम्बन्धित शीर्षकहरु