बिर्तामोड, राष्ट्रिय प्रजातन्त्र पार्टीका केन्द्रीय अध्यक्ष राजेन्द्र लिङ्देनले देशलाई असफल बनाउनबाट रोक्नका लागि संघीयता खोरज गर्नुपर्ने बताएका छन् ।
‘कांग्रेस , एमाले , माओवादी असफल बन्दा केही पनि हुँदैन ’उनले भने , ‘देश असफल बन्नु हुँदैन ।’ आफूहरु गलत बाटोमा हिडिरहेको महसुस हुँदासमेत ठूला राजनीतिक दलहरु सच्चिन तयार नभएको लिङ्देनले बताए । दलका नेताहरुको परिवारको लागि मात्र ४ खर्ब रकम खर्च हुने गरेको बताउँदै उनले संघीयता अब देशले धान्न नसक्ने धारणा राखे । आफूहरुको पार्टी सानो भएपनि देशलाई बचाउने अभियानमा लागेको उनको भनाई थियो ।
स्थानीय तहको निर्वाचनको कार्यक्रममा नेतृ रेखा थापा , बिर्तामोड नगरपालिकामा नगर प्रमुख पदका उम्मेदवार ध्रुव उप्रेती , उपप्रमुख पदका उम्मेदवार रन्जु प्याकुरेललगायतले बोलेका थिए । राप्रपाले बिर्तामोडमा नगर प्रमुख , उपप्रमुखसहित ५२ वटै पदमा उम्मेदवारी दिएको छ । कार्यक्रममा विभिन्न पार्टी परित्याग गरी राप्रपामा प्रवेश गर्नेहरुलाई स्वागत गरिएको थियो । कार्यक्रममा राप्रपाका नेता कार्यकर्ताहरुको उल्लेखनीय उपस्थिति रहेको थियो । गत स्थानीय तहको निर्वाचनमा राप्रपाले तेस्रो शक्तिको रुपमा मत पाएको थियो ।
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…
काठमाडौँ – राष्ट्रपति रामचन्द्र पौडेलले नवनियुक्त प्रधानमन्त्री सुशीला कार्कीको सिफारिसमा शुक्रबार मध्यरातमा प्रतिनिधिसभा विघटनको घोषणा…