काठमाडौँ: नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले स्थानीय तहको अघिल्लो निर्वाचनमा नेपाली कांग्रेसका कार्यकर्ताले हँसिया हथौडामा भोट हाल्न अप्ठेरो मान्दा दुख लागेको बताएका छन् । भरतपुरमा जारी सत्ता गठबन्धनको आमसभामा सम्बोधन गर्दै उनले पाँच दलीय सत्ता गठबन्धनमा रुख चिन्हमा आस्था राख्नेले हँसिया हथौडामा भोट दिन अप्ठेरो मान्दा दुख लागेको बताएका हुन् ।
रुख र हँसिया हथौडाको गठबन्धनको इतिहास हेर्न र बुझ्न कार्यकर्तालाई आग्रह गर्दै यसपालि गठबन्धनलाई जिताउन उनले आग्रह गरेका छन्। गठबन्धनको जित भयो भने आगामी धेरै बर्ष यही गठबन्धन कायम राख्ने उनको भनाइ छ । २०४६ साल र ६२, ६३ सालको जनआन्दोलन हँसिया हथौडा र रुखको एकताले सम्भव भएको उनले बताए । तसर्थ पनि यो सम्झौता वा गठबन्धलाई अपनाउन अप्ठेरो नमान्न भरतपुरका बासीन्दालाई उनले आग्रह गरे ।
यसअघिका सम्झौताहरु राष्ट्रहित विपरीत नभएकाले पनि धेरै शंका नगर्न उनले जोड गरे । भरतपुर महानगरमा प्रचण्ड पुत्री रेनु दाहाललाई सत्ता गठबन्धनले प्रमुखको उम्मेदवार उठाएको छ सत्ता गठबन्धनको निर्णयविरुद्ध नेपाली कांग्रेसका नेता जगन्नाथ पौडेलले बागी उम्मेदवारी दिएका छन् । नेकपा एकतामा धोका पाएको हुँदा ठूलो मूल्य चुकाएर आएकाले गठबन्धन नतोड्ने प्रतिवद्धता दाहालले जनाए ।
काठमाडौँ । नेपाल अटोमोबाइल इम्पोर्टर्स एन्ड म्यान्युफ्याक्चरर्स एसोसिएसन (नाईमा) ले गत भदौ २३ र २४…
टोकियो - पछिल्लो समयमा नेपालमा खासगरी युवा पुस्तामाझ अत्यधिक रुचाईएको साँगीतिक 'ब्याण्ड सज्जनराज वैद्य' को…
विर्तामोड, झापा — नव आदर्श टोल विकास संस्थाले सामाजिक उत्तरदायित्वका भावना सहित समाजसेवामूलक अभियान अन्तर्गत…
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…