बिर्तामोड, बिर्तामोड नगरपालिका वडा नं १० मा नेकपा एमाले र राष्ट्रिय प्रजातन्त्र पार्टीले संगसंगै भोट मागिरहेका छन् ।
त्यहाँ एमाले र राप्रपाबीच गठबन्धन बनेको छ । वडा नम्बर १० को वडाध्यक्षमा रिमानध्वज लोक्ताम उम्मेदवार छन् । यस्तै वडा सदस्यहरुमा महिलातर्फ गीता घिमिरे,दलित महिला सदस्यमा पुर्णिमा लाम्गादे र खुल्लातर्फ प्रेमबहादुर पौडेल,पृथ्वीबहादुर बस्नेत रहेका छन् । खुल्ला सदस्य पृथ्वीबहादुर बस्नेत र दलित महिला सदस्यमा पुर्णिमा लाम्गादे राप्रपाका हुन् । चुनावी प्रचार अभियानअन्तर्गत बुधवार वडा नम्बर १० का विभिन्न स्थानमा कोणसभा सम्पन्न भएको छ ।
बैशाख १२ गते वडा नम्बर १ देखि एमालेले सुरु गरेको प्रचार अभियान वडा नम्बर १० मा पुगेको हो । बुधबार वडा नम्बर १० को उत्तर भुतेनी,दक्षिण भुतेनी,सैनिक बजार,चमरधाप लोक्ताप गाउँ,ठुटेबर,फेसबुक चोकलगायतका स्थानमा कोणसभाको गरिएको थियो । कोणसभालाई सम्वोधन गर्दै नगर प्रमुखका उम्मेदवार पवित्रा महतारा प्रसाईले वडा नम्बर १० भित्र रहेका खानेपानी,विद्युत र सडक कालोपत्रेका समस्या समाधान गर्ने बताइन् ।
उनले यसअघि विकराल रुपमा रहेका ठाउँमा सडक,पुल,कल्भर्ट निर्माण, गोवर ग्यास जडान, फिल्टरसहितको खानेपानीको व्यवस्थापन,फुसको छानो भएका घरहरुलाई टिन वितरण, विद्यालयको पठनपाठन सुधार तथा नयाँ भवन निर्माण,घेराबारालगायत कृषि तथा बंगुरपालनको क्षेत्रमा उल्लेखनीय काम गरेको दावी गरिन् ।
उम्मेदवार प्रसाईले आफू निर्वाचित भएर आएपछि पहिलो प्राथमिकताका साथ वडा नम्बर १०मा रहेका अधुरो सडकलाई पुरा गर्ने र उत्तर भुतेनीको सडक कालोपत्रे गर्ने प्रतिवद्वता जनाइन् । उनले वडामा रहेका अन्य विकासका कामहरुलाई टोल विकास समितिसंग समन्वय गरेर अघि बढ्ने धारणा राखिन् ।
यस्तै कोणसभालाई सम्वोधन गर्दै नगर उपप्रमुखका उम्मेदवार नगेन्द्रप्रसाद संग्रौलाले यस वडामा कम्तिमा १० किलोमिटर सडक कालोपत्रे गर्ने बताए । उम्मेदवार संग्रौलाले जनताको आयआर्जनका लागि गाईपालन,कुखुरापालन,वंगुरपालन व्यवसाय र सामूहिक तथा आधुनिक खेतीको लागि अनुदानको व्यवस्था गरिने बताए । नगरका सबै वडामा गरि ५ वर्षभित्रमा एक हजार विपन्न आवास निर्माण गर्ने योजना रहेको पनि उनले बताए ।
क्षेत्रफलको हिसाबले वडा नम्बर १० बिर्तामोड नगरपालिकाको सबैभन्दा ठुलो वडा हो । कोणसभालाई प्रतिनिधिसभा सदस्य पवित्रा निरौला खरेल,प्रदेश सांसद एकराज कार्की,राष्ट्रिय सभाका पूर्व सदस्य हरिचरण शिवाकोटी,नगरप्रमुख ध्रुवकुमार शिवाकोटीलगायतले सम्वोधन गरेका थिए ।
जापान । जापानबाट नेपाल लगायत विश्वका विभिन्न देशहरुमा पैसा पठाउँदै आइरहेको फोरेक्स रेमिटेन्सले मोवाईल एप्लिकेसन…
बिर्तामोड। अनारमनी सोशल यूथ क्लबले आयोजना गरेको बिर्तामोड रनको तेस्रो संस्करण आगामी १४ कार्तिक २०८१…
दमक, उत्प्रेरक उद्यमी समाज बिर्तामोड ४, झापाको दोस्रो वार्षिक साधारण सभा आज सफलतापूर्वक सम्पन्न भएको…
काठमाडौँ – राष्ट्रिय स्वतन्त्र पार्टीका सभापति रवि लामिछानेलाई सहकारी ठगी प्रकरणमा प्रहरीले शुक्रबार पक्राउ गरेको…
काठमाडौ: समकालीन विश्वमा चीन दोस्रो ठूलो कार बजार र अर्थतन्त्रको आकारमा पनि दोस्रो स्थानमा रहेको…
काठमाडौ। लण्डन, ओन्टारियोको प्रतिष्ठित म्युजिक हलमा हुन लागेको नेपाली गायक सबिन राई एण्ड द फरोजको…