काठमाडौं: अमेरिकी सहायता परियोजना एमसीसी सम्झौता माघभित्रै पारित गर्ने तयारी थालिएको छ । प्रधानमन्त्रीको जोडबलमा एमसीसी संसदबाट अघि बढ्ने निश्चित भएको छ ।
एमसीसी सम्झौतामा प्रश्न उठाउँदै विरोध गरिरहेका नेकपा माओवादी केन्द्रका अध्यक्ष प्रचण्ड र एकीकृत समाजवादीका अध्यक्ष माधवकुमार नेपाललाई गृहमन्त्री बालकृष्ण खाणले कन्भिन्स गराएका छन् ।
पछिल्ला दिनमा खाणको सक्रियताको परिणाम प्रचण्ड-माधव एमसीसीमा क्लियर भएका छन् । राष्ट्रिय सहमतिमै एमसीसी पारित गराउन प्रधानमन्त्री देउवाले एमाले अध्यक्ष केपी ओलीको पनि साथ खोजेका छन् । ओलीले पनि एमसीसी पारित गराउन सघाउने गरी ग्रिन सिग्नल दिएका छन् ।
ओलीलाई कन्भिन्स गर्न सञ्चारमन्त्री ज्ञानेन्द्र कार्की बालकोट पुगेका थिए । प्रधानमन्त्री देउवाले सदनको अवरोध हटाउनको लागि सुरुदेखि नै एमाले अध्यक्ष केपी शर्मा ओलीसँग आग्रह गरिरहेका छन् । पछिल्लो समय एमसीसीलाई लिएर कांग्रेस र एमालेबीच दुरी कम भैरहेको छ ।
एमालेले कांग्रेसले पहिले एमसीसीबारे आफ्नो पोजिशन क्लियर गरोस भनेर भनिरहेको छ । प्रधानमन्त्री देउवाले गत पुस २४ गते एमाले अध्यक्ष ओलीसँग उनकै निवास बालकोट पुगेर भेटेका थिए ।
सत्ता र प्रतिपक्ष सबैबाट ग्रिन सिग्नल पाएपछि प्रधानमन्त्री देउवाले आउँदो संसद बैठकमा एमसीसी सम्झौता पेश गर्ने तयारी गरेका छन् । एमसीसीमा सभामुख बाधक बने महाभियोग लगाएर हटाउने तयारी छ । सभामुखसँग एमाले पनि चिढिएको छ । महाभियोगमा साथ दिने भनिसकेको छ ।
सभामुखलाई महाभियोग लगाएर भए पनि अब बस्ने प्रतिनिधिसभाको बैठकमा नै एमसीसी प्रस्ताव टेबुल गर्ने सरकारको तयारी छ । यसमा एमालेले पनि ग्रिन सिग्नल दिएको चर्चा छ । एमसीसी अघि बढाउन सभामुख बाधक भए उनलाई महाभियोग लगाएर भए पनि हटाउने भित्री तयारी भैरहेको छ ।
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…
काठमाडौँ – राष्ट्रपति रामचन्द्र पौडेलले नवनियुक्त प्रधानमन्त्री सुशीला कार्कीको सिफारिसमा शुक्रबार मध्यरातमा प्रतिनिधिसभा विघटनको घोषणा…