विश्वकप फुटबल प्रतियोगिता अन्तर्गत प्रि-क्वाटरफाइनलमा अर्जेन्टिनाले अस्ट्रेलियालाई २-१ ले पराजित गर्दै क्वाटरफाइनलमा प्रवेश गरेको छ। अब सेमिफाइनल प्रवेशका लागि अर्जेन्टिनाले नेदरल्यान्ड्सको सामना गर्ने छ।
अन्तिम १६ को खेलमा कप्तान लियोनेल मेसीले आफ्नो १ हजारौ ब्यबसायिक खेलमा टिमका लागि पहिलो गोल गर्दे टिमलाई सुरुवाती अग्रता दिलाएका थिए। उनले ३५ औ मिनेटमा आकर्षक गोल गरेका थिए। मेसीको यो विश्वकपको नकआउट चरणमा पहिलो गोल समेत हो।
विश्वकपमा मेसीको ९ गोल भएको छ। उनी विश्वकपमा सर्वाधिक गोल गर्ने अर्जेन्टिनी खेलाडी गाब्रियल बाटिस्टुटा भन्दा १ गोल पछि छन्। बाटिस्टुटाले १० गोल गरेका छन्। अस्ट्रेलिया विरुद्ध विश्वकपमा २३ औ खेल खेलिरहेका मेसीले आफ्नो १ हजारौं खेल सम्मको यात्रामा ४१ मुख्य ट्रफि जित्दा ७ सय ८८ गोल र ३ सय ४८ असिस्ट गरेका छन्।
पहिलो हाफमा १-० को अग्रता बनाएको अर्जेन्टिनाले दोस्रो हाफमा जुलियन अल्भारेजको गोलमा अग्रता दोब्बर बनायो। अस्ट्रेलियन गोलरक्षकले गरेको गल्तिको फाइदा उठाउँदै अल्भारेजले गोल गर्दा अर्जेन्टिना २-० ले अघि रह्यो।
तर अस्ट्रेलियाले ७७ औ मिनेटमा गोल गर्न सफल भयो। क्यारिग गुडविनले गरेको प्रहार इन्जो फर्नान्डेजमा डिफ्लेक्ट हुँदै गोलमा परिणत भएको थियो। उक्त गोल फर्नान्डेजको आत्माघाती गोलका रुपमा रह्यो।
त्यसपछि पनि अर्जेन्टिनाले खेलमा गोलका केहि राम्रा मौका सिर्जना गरेपनि गोल गर्न चुक्दा अग्रता बढाउने अवसर गुमायो। इन्जुरी समयको अन्तिम मिनेटमा अस्ट्रेलियाले बराबरीको राम्रो मौका बनाएपनि अर्जेन्टिनी गोलरक्षकले बचाउँदा अर्जेन्टिनाले क्वाटरफाइनलमा नेदरल्यान्ड्स सँगको भेट पक्का गर्यो।
काठमाडौं, पाँचौ मिस्टर काठमाडौं शारीरिक सुगठनका विजेता प्रकाश राईको निधन भएको छ । गत शनिबारमात्र…
टोकियो । जापानमा नेपाली ब्यवसायीहरुको संस्था नेपाली ब्यवसायी संघ (NBA) जापानमाम दोस्रो अधिवेशनको तयारी अन्तिम…
लण्डन/ लण्डनको प्रतिष्ठित म्युजिक हलमा नेपाली गित र संगीतका बादसहा सबिन राई एण्ड फारोजको समर्पण…
तमुधीं जापानको आयोजनामा टोकियोमा बनभोज (BBQ) कार्यक्रम सम्पन्न टोकियो, जापानमा रहेका गुरुङ (तमु) हरु विच…
विज ग्लोबल (Wiz Globle ) विज एकेडमी (Wiz Academy) एवं योकोहामा वेलफेयर सिटी म्यानेजमेन्ट एसोसिएसन …