जिम्मेवारी पूरा नगर्ने’ एक प्रहरी इन्सपेक्टरलाई सेवाबाट हटाइँदै

काठमाडौं: गृह मन्त्रालयले ‘पदीय जिम्मेवारी पूरा नगरी लापरबाही गरेको अभियोग’मा एक प्रहरी इन्सपेक्टर (प्रहरी निरीक्षक) लाई सेवाबाट हटाउने भएको छ ।

मन्त्रालयले प्रहरी निरीक्षक राजुप्रसाद कुर्मीलाई ‘भविष्यमा सरकारी सेवाका लागि अयोग्य नठहरिने गरी सेवाबाट हटाउने’ गरी विभागीय कारबाहीको प्रक्रिया अघि बढाएको हो ।

मन्त्रालयले शनिबार सार्वजनिक सूचना जारी गर्दै भनेको छ, ‘विभागीय कारबाही गर्नु नपर्ने कुनै मनासिब कारण भए बाटोको म्यादबाहेक सात दिनभित्र स्पष्टीकरण पेश गर्नू ।’

कुर्मी पर्सा कालिकामाई गाउँपालिका–५का बासिन्दा हुन् । उनी अख्तियार दुरुपयोग अनुसन्धान आयोगको हेटौंडाको दरबन्दीमा थिए ।

प्रहरी निरीक्षक कुर्मीले पदीय जिम्मेवारी पूरा नगरेको हुँदा प्रहरी नियमावलीअनुरुप गृहमन्त्रालयले कारबाही प्रक्रिया अघि बढाएको हो ।