दुर्घटनामा १० जना घाइते

रामेछाप: काठमाडौंबाट मन्थली आउँदै गरेको माइक्रोबस रामेछापको मन्थली नगरपालिका ६ मा दुर्घटना भएको छ । दुर्घटनामा १० जना घाइते भएका छन् । घाइतेमध्ये २ जनाको अवस्था गम्भीर रहेको जिल्ला प्रहरी कार्यालय रामेछापका प्रहरी निरीक्षक राजुप्रसाद ढकालले जानकारी दिए ।
प्रहरी निरीक्षक ढकालका अनुसार सेलेघाट नजिक बा २ ख ४१८० नम्बरको माइक्रोबस दुर्घटनामा परी गम्भीर घाइते भएकी यात्रु सविना मोक्तान र उनका ६ वर्षीय छोरालाई थप उपचारका लागि हेलिकप्टरबाट काठमाडौं पठाइएको छ । अन्य घाइतेको सिन्धुलीको खुर्कोटस्थित शुभजीवन र सुनकोसी सामुदायिक अस्पतालमा उपचार भइरहेको छ । माइक्रोबस सडकबाट करिब २ सय मिटर तल खसेको ढकालले बताएका छन् ।