आइएमई (IGI) जनरल इन्स्योरेन्सले हकप्रद प्रयोजनको लागि बुक क्लोज मिति तोक्यो

आइएमई जनरल इन्स्योरेन्स कम्पनी लिमिटेड (IGI) ले हकप्रद शेयर निष्काशन प्रयोजनार्थ बुकक्लोज मिति तोकेको छ ।

कम्पनीले १ बराबर ०.४ अनुपातमा हकप्रद शेयर निष्काशन गर्न लागेको हो । यस अनुसार कम्पनीले ४६ करोड ३० लाख ३४ हजार ४०० रुपैयाँ बराबरको ४६ लाख ३० हजार ३४४ कित्ता शेयर निष्काशन गर्नेछ ।

उक्त हकप्रद शेयर निष्काशन गर्न कम्पनीले फागुन १ गते एक दिनका लागि बुकक्लोज गर्ने भएको छ । यस अनुसार माघ २७ गतेसम्म कायम शेयरधनीहरुले मात्रै कम्पनीले निष्काशन गर्न हकप्रद शेयरमा आवेदन दिन सक्नेछन् ।

कम्पनीले २०७८ बैशाख १२ गते सम्पन्न २३ औं वार्षिक साधारण सभाले चुक्ता पूँजीको ४० प्रतिशत हकप्रद शेयर निष्काशन गर्ने प्रस्ताव पारित गरेको थियो ।