सूर्योदय लघुवित्तको खुद नाफा ४४५ प्रतिशतले बृद्धि

काठमाडौं: सूर्योदय लघुवित्त वित्तीय संस्था लिमिटेडले चालु आर्थिक वर्ष २०७८–७९ को दोश्रो त्रैमासिक वित्तिय विवरण सार्वजनिक गरेको छ ।

लघुवित्तले यस त्रैमासमा ६ करोड ४४ लाख खुद नाफा आर्जन गरेको छ भने गत आर्थिक वर्षको सोही अवधिमा १ करोड १८ लाख आर्जन गरेको थियो । तुलनाको अवधिमा खुद नाफा ४४४.९४ प्रतिशतले बढेको छ ।

यो अवधिसम्म संस्थाले ३ अर्ब १६ करोड रुपैयाँ सापटी र १ अर्ब ७१ करोड निक्षेप लिई ५ अर्ब ३ करोड रुपैयाँ कर्जा परिचालन गरेको छ। गत आर्थिक वर्षमा १ अर्ब ७७ करोड रुपैयाँ सापटी र १ अर्ब २० करोड निक्षेप लिई २ अर्ब ७८ करोड रुपैयाँ कर्जा परिचालन गरेको थियो

सोअवधिसम्म संस्थाको खुद ब्याज आम्दानी १६ करोड १९ लाख रुपैयाँ रहेको छ । जुन गत वर्ष यही अवधिसम्म ५ करोड ७८ लाख रुपैयाँमा सीमित थियो। त्यसैगरी यस अवधिमा संचालन मुनाफा ४ करोड १० लाख रहेको छ भने गत आर्थिक वर्षमा ४७ लाख ३७ हजार रहेको थियो ।

व्याज आम्दानीमा उल्लेख्य बृद्धिसँगै राइट व्याक ६ करोड १२ लाखको साहयताले खुद नाफा उल्लेख्य बृद्धि भएको हो ।

हाल कम्पनीको चुक्तापुँजी २९ करोड ७६ लाख रुपैयाँ रहेको छ । जगेडा कोषमा १९ करोड ५८ लाख रहेको छ । निष्कृय कर्जा अनुपात ३.०४ प्रतिशत रहेको छ ।

कम्पनीको प्रति सेयर आम्दानी ४३.३१ रुपैयाँ रहेको छ भने प्रतिसेयर नेटवर्थ १६५.७९ रुपैयाँ रहेको छ । त्यसैगरी मुल्य आम्दानी अनुपात ३९.५५ गुणा रहेको छ ।