काठमाडौं: अष्ट्रेलियाले आइतबार इंग्ल्यान्डलाई ७१ रनलले हराउँदै आईसीसी महिला एकदिवसीय क्रिकेट विश्वकपको उपाधि जितेको छ । अष्ट्रेलियन महिला टोलीको यो सातौँ विश्वकप उपाधि हो ।
क्राइस्टचर्चस्थित हाग्ले ओभलमा अष्ट्रेलियालाई जिताउन एलिसा हिलीले नायकीय इनिङ्स खेलिन् । एलिसाले १७० रन बनाएपछि टस हारेर ब्याटिङका लागि निम्त्याइएको अष्ट्रेलियाले निर्धारित ५० ओभरमा ५ विकेट गुमाएर ३५६ रन बनाएको थियो । ३५७ रनको लक्ष्य पछ्याएको इंग्ल्यान्डले ४३.४ ओभरमा सबै विकेट गुमाएर २८५ रन मात्र बनाउन सक्यो ।
योसँगै अष्ट्रेलियाले प्रतियोगिताका नौमध्ये नौ खेल नै जितेर उपाधि उचाल्यो । महिला विश्वकपमा अहिलेसम्म अष्ट्रेलियाले र इंग्ल्यान्डले मात्र उपाधि जितेका छन् । इंग्ल्यान्डले चारपटक उपाधि जितेको छ ।
ओपनर एसियाले १७० रन बनाउने क्रममा १३८ बलमा २६ चौका प्रहार गरिन् । उनले रचेल हाइनेससँग पहिलो विकेटका लागि १६० रनको साझेदारी गरेकी थिइन् । हाइनेसले ९३ बलमा ६८ रन बनाइन् ।
उनले दोस्रो विकेटका लागि बेथ मुनीसँग १५६ रनको साझेदारी गरिन् । मुनीले ६२ रन बनाइन् । अष्ट्रेलियाका कप्तान मेग लनिङले १० रन बनाइन् । इलेस पेरी १७ र टाहिला म्याकग्राथ ८ रनमा अविजित रहे ।
इंग्ल्यान्डका एन्या श्रुबसोलले तीन विकेट लिइन् भने सोफिइ इक्लेस्टोनले एक विकेट लिइन् ।
३५७ रनको लक्ष्य पछ्याएको इंग्ल्यान्डकी नाट स्काइभरले अविजित १४८ रन बनाए पनि टिमलाई जिताउन सकिनन् । स्काइभरले १२१ बलमा १५ चौका र एक छक्का प्रहार गरिन् । स्काइभरबाहेक अरू खेलाडीले उल्लेख्य प्रदर्शन गर्न सकेनन् । टमी बेउमोन्टले २७, कप्तान हेथर नाइटले २६, सोफिया डङ्लीले २२ र एमी जोन्सले २० रन बनाए ।
अष्ट्रेलियाकी जेस जोनसन र एलान किङ्ले समान तीन विकेट लिए । मेगान स्कटले दुई तथा म्याकग्राथ र एश्ले गर्डनरले एक/एक विकेट लिए ।
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…
काठमाडौँ – राष्ट्रपति रामचन्द्र पौडेलले नवनियुक्त प्रधानमन्त्री सुशीला कार्कीको सिफारिसमा शुक्रबार मध्यरातमा प्रतिनिधिसभा विघटनको घोषणा…