काठमाडौं: नेपालको तीव्र गतिका बलर कमलसिंह ऐरी कम्तीमा ६ साता मैदान बाहिर हुने भएका छन् । त्रिदेशीय ट्वान्टी–२० अन्तर्राष्ट्रिय क्रिकेट शृंखलाअन्तर्गत शनिबार मलेसियाविरुद्धको खेलमा कमलसिंह ऐरीको बायाँ कुममा चोट लागेको थियो ।
कमलसिंहको कलंकीस्थित नेपाल नेसनल अस्पतालमा आइतबार बिहान सफल शल्यक्रिया गरिएको नेपाल क्रिकेट संघ (क्यान)ले जनाएको छ । चिकित्सकद्वय निरज केसी र निरन्जन सुवेदीले शल्यक्रिया गरेका हुन् । कमलसिंह अहिले अस्पतालका चिकित्सक र टिमका फिजियोको निगरानीमा रहेको क्यानले जनाएको छ ।
“हड्डी जोडिन कम्तीमा ६ साता लाग्छ । त्यसपछि उनको अवस्था कस्तो हुन्छ भन्ने अहिले नै थाहा हुँदैन । त्यति बेला मात्र उनको अवस्था हेरेर कहिले खेल्न सक्छन् भनेर भन्न सकिन्छ,” क्यानका पदाधिकारीले भने ।
कमलसिंहले मलेसियाविरुद्ध दुई ओभर बलिङ गर्दै २० रन दिएर दुई विकेट लिएका थिए । उक्त खेलमा नेपालले मलेसियालाई ८५ रनले हराएको थियो ।
नेपाल त्रिदेशीय ट्वान्टी–२० अन्तर्राष्ट्रिय शृखंलामा अपराजित रहँदै फाइनलमा स्थान बनाउन सफल भएको छ । नेपालले अब उपाधिका लागि सोमबार पपुवा न्युगिनी (पीएनजी)विरुद्ध खेल्नेछ ।
विर्तामोड, झापा — नव आदर्श टोल विकास संस्थाले सामाजिक उत्तरदायित्वका भावना सहित समाजसेवामूलक अभियान अन्तर्गत…
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…