अवरुद्ध सिद्धार्थ राजमार्ग खुल्याे

पाल्पा । पहिरोका कारण अवरुद्ध भएको सिद्धार्थ राजमार्ग अन्तर्गत बुटवल पाल्पा सडक खण्ड सञ्चालनमा आएको छ । राजमार्ग सञ्चालन भएसँगै सवारी साधन गन्तव्यतर्फ लागेका छन् ।

अविरल वर्षाको कारण तिनाउ गाउँपालिका–५ हिउँदे खोलामा पहिरो गई बिहीबार दिउँसोबाट अवरुद्ध भएको राजमार्ग सञ्चालनमा आएको हो । अवरुद्ध सडक अहिले दिउँसो बाट एकतर्फी सञ्चालनमा आएको सडक डिभिजन कार्यालय पाल्पाले जनाएको छ ।

बिहीवार बाट बन्द भएको सडक गए राती बाट परेको वर्षाकाे कारण बाटो पुनः भासीएर बाटो पुर्णरुपमा अबरुद्ध भएको थियाे । पहिरो खसिरहेको कारण जोखिम भने कायमै रहेको छ ।