विराटनगर: अन्तर्राष्ट्रिय श्रमिक दिवस (मई दिवस) को अवसर पारेर उद्योग सङ्गठन मोरङले शुुभकामना आदानप्रदान एवं श्रमिक सम्मान कार्यक्रम सम्पन्न गरेको छ ।
सङ्गठनले विश्वभरिका श्रमिकको महान् दिनको रूपमा रहेको मई दिवस श्रमिक र रोजगारदाताले साझा रूपमा एकाकार गर्दै मनाउने सन्दर्भमा यसवर्ष पनि १३३औँ अन्तर्राष्ट्रिय श्रमिक दिवसका अवसरमा शुुभकामना आदानप्रदान तथा श्रमिक सम्मान कार्यक्रम आयोजना गरेको हो ।
कार्यक्रममा वक्ताहरूले श्रमिक र रोजगारदाताको सम्बन्ध नङ र मासु जस्तो भएकाले रोजगारदाता र ट्रेड युनियन बीचको सम्वाद तथा सहकार्यका माध्यमबाट श्रम सम्बन्ध सुधार गर्नुपर्नेमा जोड दिएका छन् ।
श्रमसम्बन्धी समस्याको समाधान भइरहेको र आगामी दिनमा थप सशक्त समझदारी र सहयोगका साथ सहकार्य गर्दै असल औद्योगिक सम्बन्धको विकास एवं आर्थिक क्षेत्रका चुनौतीको सामान गर्न सक्षम हुने गरी काम गर्न मे दिवसले हामी सबैलाई थप ऊर्जा प्रदान गर्ने उनीहरूको विश्वास छ ।
सङ्गठनले हाइजिन प्रालि, बुढिगङ्गामा विगत २५ वर्षदेखि कार्यरत महिला श्रमिक द्रोपदी राय र जय श्री कम्पनी प्रालिमा विगत ३७ वर्षदेखि अनवरत कार्यरत पुरुष श्रमिक महेश चौधरीलाई सम्मान गरेको छ । उनीहरूलाई जनही रु ११ हजार राशिको पुरस्कार पनि दिएको छ । रासस
विर्तामोड, झापा — नव आदर्श टोल विकास संस्थाले सामाजिक उत्तरदायित्वका भावना सहित समाजसेवामूलक अभियान अन्तर्गत…
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…