काठमाडौँ: नेपाली राष्ट्रिय फुटबल टिमका मुख्य प्रशिक्षक अब्दुल्लाह अल्मुताइरीले बन्द्र प्रशिक्षण छाडेर गएका खेलाडीलाई फेरि टिममा सामेल गर्न नसकिने आइतबार बताएका छन् । अखिल नेपाल फुटबल संघ (एन्फा) का महासचिव इन्द्रमान तुलाधरलाई पत्र लेख्दै उनले ती खेलाडीलाई कुनै कारबाही नगर्न भने अनुरोध गरेका छन् ।
अल्मुताइरीले एसियाकप छनोट तेस्रो चरणको बन्द प्रशिक्षणमा रहेका खेलाडीलाई आफू छोड्न नभनेको र खेलाडीले नै आफूखुसी छाडेर गएको आरोप लगाएका छन् । त्यस अगाडि १० खेलाडीले पत्रकार सम्मेलन गर्दै प्रशिक्षकले आफूहरूलाई प्रशिक्षण छाडेर जान भनेको दाबी गरेका थिए ।
त्यस विवादपछि अल्मुताइरीले १७ खेलाडी थप गर्दै राष्ट्रिय टिमको प्रशिक्षणलाई निरन्तरता दिएका छन् । उनले खेलाडीले लगाएका आरोपबाट आफू दु:खी भएको पनि बताएका छन् । उनले मुख्य प्रशिक्षकका रूपमा टिम निर्माणको सम्पूर्ण जिम्मेवारी आफ्नो रहेको र त्यसले दिने नतिजाको सबै जिम्मेवारी पनि आफ्नै हुने बताएका छन् ।
विर्तामोड, झापा — नव आदर्श टोल विकास संस्थाले सामाजिक उत्तरदायित्वका भावना सहित समाजसेवामूलक अभियान अन्तर्गत…
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…