गोपाल हमालले गरे विवेकशीलबाट राजिनामा

धनगढी । विवेकशील साझा पार्टीका सुदूरपश्चिम संयोजक गोपाल हमालले पार्टीबाट राजीनामा दिएका छन् ।

हमालले आजकै मितिदेखि लागू हुने गरी पार्टीको साधारण सदस्य समेत नरहने गरि राजीनामा दिएका हुन्।उनले राजिनामा पत्रमा भनेका छन ‘मेरो स्थायी बसोबास रहेको धनगढी उपमहानगपालिकाका बासिन्दाले फेरि स्वतन्त्र भएरै उम्मेदवार बन्न सुझाव दिएका छन् ।’

पार्टीका अध्यक्षलाई बुझाइएको राजीनामा पत्रमा उल्लेख छ, ‘लामो समयसम्म राजनीति गर्ने मेरो सोच पनि नरहेको र अन्तिमपटक स्थानीय निर्वाचन लड्ने तयारी भएकाले आजकै मितिदेखि पार्टीको साधारण सदस्यसहित सम्पूर्ण जिम्मेवारीबाट राजीनामा दिएको जानकारी गराउदछु।’

यस अघि सम्पन्न स्थानिय निर्वाचनमा हमाल स्वतन्त्र रुपमा धनगढी उपमहानगरपालिकाको मेयरमा निर्वाचन लडेका थिए । त्यसबेला उनी कांग्रेसका नृप वड सँग पराजित भएका थिए । हमालले आगामी निर्वाचनमा पनि स्वतन्त्र रुपमा धनगढी उपमहानगरपालिकाको मेयरमा चुनाव लडने तयारी गरेका छन ।