पाल्पा, ९ कार्तिक
दुग्धजन्य पदार्थबाट बनेका मिठाई, दूध लगाएत सामाग्रीको गुणस्तरमा कमि भएको गुनासो बढेपछि बजार अनुगमन गरिएको छ । पाल्पाका डेरी तथा मिठाई पसलहरूमा अनुगमन गरिएकाे हो । अनुगमनका क्रममा पसलहरुले लापरवाही गरेकाे भेटिएकाे हाे ।
साेमबार गरिएकाे बजार अनुगमनबाट नाै वटा नमूनाहरु प्रयाेगशाला परीक्षणका लागि भैरहवा पठाइएकाे खाद्य प्रबिधि तथा गुण नियन्त्रण डिभिजन कार्यालय, पाल्पाले जनाएको छ । कार्यालय प्रमुख नरेश श्रेष्ठका अनुसार तानसेनका मिठाइ तथा दूधकाे नमूना परीक्षणका लागि पठाइएकाे र केही दिनमा रिपाेर्ट प्राप्त हुने छ ।
पाल्पाका सहायक प्रमुख जिल्ला अधिकारी शशीधर घिमिरेले केही दूध पसलहरूमा मिश्रित दूध बिक्रि वितरणमा लापरवाहि गरिएकाे हुन सक्ने आशंका रहेकाे र ल्याव परीक्षण पछि थप अनुगमन गरि कानून विपरितका कार्य भएकाे पाइएमा कारवाही गरिने बताए । उनले अनुगमनका क्रममा केही पसलहरूमा लापरवाही भेटिएकाे भन्दै फेरी लापरवाहि भेटिए कारवाही प्रक्रिया अगाडी बढाइने बताए ।
तानसेनकाे बसपार्कमा रहेकाे डायमण्ड बेकरिजमा धेरै लापरवाही देखिएकाे अनुगमन टाेलीकाे ठहर छ । किचनमा फाेहाेर रहेकाे, एउटै तेल धेरै पटक प्रयाेग गरेकाे, सामाग्रीहरूकाे सरसफाइमा ध्यान नदिएकाे तथा व्यवस्थापकीय पक्षमा ध्यान नदिएकाे पाइएकाे थियाे । तानसेन नगरपालिकाका प्रतिनिधी भरत आचार्यले अनुगमनका क्रममा धेरै मिठाइ पसलहरू समस्या देखिएकाे बताए ।
तानसेनकाे श्रीनगर डेरीकाे दूध तथा मिठाइ, डायमण्डकाे मिठाइ र गाेरसघरकाे दूध थप परीक्षणका लागि भैरहवा पठाइएकाे हाे । अनुगमन टाेलीले डायमण्ड हाेटलमा लामाे समयदेखी प्रयाेगमा रहेकाे झण्डै १२ लिटर तेल समेत नष्ट गरेकाे थियाे । चाडपर्वकाे समयमा दूध, मिठाइ तथा अन्य पसलहरूमा निरन्तर अनुगमन गरिने घरेलु तथा साना उद्याेग कार्यालय पाल्पाका प्रमुख देविराम भण्डारीले बताए । चाडपर्वको समयमा जस्तै बजारको अनुगमन सधैंभरी हुन आवस्यक छ ।
