नेपाली बाबाको निधन, पशुपतिमा अन्त्येष्टि

काठमाडौँ,नेपाली बाबाको उपनामले प्रख्यात साधक तेजनाथ शर्मा घिमिरेको ६९ वर्षको उमेरमा सोमबार राति निधन भएको छ । दुई वर्षदेखिहड्डीको समस्याबाट पीडित उहाँको सोमबार राति सतुङ्गलस्थित आश्रममै निधन भएको हो ।

पैँतालीस वर्षअघि देखि चिया र पानी मात्र सेवन गरी साधना गर्नुभएकाले हड्डीको समस्या देखिएको चिकित्सकको भनाइ रहेकोआश्रमले जनाएको छ । त्यहाँ घिमिरेको नेतृत्वमा ३३ रोपनी क्षेत्रफलमा नौतले विन्ध्यवासिनी मन्दिरसहित आश्रम बनिरहेको छ ।

विश्वमा शीतयुद्ध चलिरहेका बेला विसं २०४३ अघि घिमिरेले विन्ध्यवासिनीमा वैदिक विधिअनुसार ११ जना ब्राह्मणबाट एकमहिनासम्म यज्ञ गराउनुभएको थियो । महायज्ञका लागि पशुपतिनाथबाट पोखरासम्म उहाँ पैदल यात्रा गर्नुभएको थियो । महायज्ञ सकेरघिमिरे पोखराबाट काठमाडौँ पनि पैदल यात्रा गर्दै आउनुभएको थियो । शीतयुद्धबाट विश्व शान्तिका लागि त्यो महायज्ञले योगदान गरेकोविश्लेषण त्यसबेला गरिएको थियो । विसं २०४३ मा संयुक्त राष्ट्र सङ्घले समेत शान्ति वर्षका रूपमा घोषणा गरेको थियो ।

विश्व शान्ति अभियानमा उहाँको महत्वपूर्ण योगदान रहेको विन्ध्यवासिनी आध्यात्मिक सङ्घका पूर्वाध्यक्ष केशवप्रसाद चौलागाइँलेराससलाई जानकारी दिनुभयो । विसं २०४५ मा उहाँले पूर्व मेचीबाट पश्चिम महाकालीसम्मको पदयात्रा गर्नुभएको थियो । विसं २०४८ मामुक्तिनाथबाट कन्याकुमारीसम्मको पैदलयात्रा पनि उहाँले सम्पन्न गर्नुभएको सङ्घले जनाएको छ ।

कन्याकुमारीबाट हिमालयसम्मको क्षेत्रलाई आर्यावर्तका रूपमा वैदिक शास्त्रमा व्याख्या गरिएको छ । विसं २०६१ मा उहाँले देशमाजारी द्वन्द्व अन्त्यका लागि सङ्घको कार्यालय सतुङ्गलमा गणपति महायज्ञसमेत आयोजना गर्नुभएको थियो । साधक घिमिरेले यज्ञ रपदयात्रामा भारतवर्षमै श्रेष्ठता कायम गर्नुभएको जनाइएको छ ।

उहाँको आज बिहान पशुपति आर्यघाटमा अन्त्येष्टि गरिएको छ । उहाँको श्रीमती, दुई छोरा र एक छोरी हुनुहुन्छ । बनारसमासाधनाका लागि बस्दा उहाँ नेपाली बाबाका नामले चिनिनुभएको थियो । त्यसपछि उहाँ नेपाली बाबा उपनामले प्रख्यात हुनुभयो ।