पश्चिम नेपाल बस ब्यवसायीको अधिबेशन: दधिराम खरेल नेतृत्वकाे समुह बहुसंख्यामा बिजयी

बुटवल, १ चैत्र ।
प्यानल सहित चुनाबी प्रतिस्पर्धामा गएको पश्चिम नेपाल बस ब्यवसायी प्रालिको आगामी नेतृत्वको लागि दधिराम खरेल नेतृत्वकाे समुहले बहुसंख्यक सिट जितेको छ । निर्वाचनमा खरेल नेतृत्वको प्यानलबाट खरेल सहित जिवन कुमार बन्जाडे, रामचन्द्र भुसाल, माेहन पिएस चेतनारायण बेल्वासे, नारायण प्रसाद घिमिरे, गाेपाल पाैडेल र कृष्णप्रसाद सापकोटा सागर बिजयी भएका छन् त्यसैगरी पदमराज गाहाकाे प्यानलबाट गाहा सहित कृष्ण प्रसाद पाण्डे र सुरेन्द्र श्रेष्ठले जित हासिल गरेका छन् ।

२०२६ सालमा स्थापना भएको पश्चिम नेपाल बस ब्यवसायी संघ सरकारले नबिकरण नगरेपछि २०७६ सालमा प्रालिमा रुपान्तरण भएको थियो । प्रालिमा ११ जना सन्चालक निर्वाचित हुने र निर्वाचित ११ जना मध्येबाट अध्यक्ष चुनिने ब्यवस्था छ । नेपालकै सबैभन्दा ठुलो यातायात ब्यवसायी संस्थाको रुपमा रहेको यस प्रालिमा करिव २ हजार ६ सय बस सञ्चालनमा छन भने २ हजार ३ सय ९६ जना मतदाता रहेका छन । जसमध्ये २ हजार ८६ जनाले मतदान गरेका थिए ।
दधिराम खरेलले पश्चिम नेपाल बस ब्यवसायी संघकाे २ कार्यकाल अध्यक्ष हुदै रुपान्तरित प्रालिको अध्यक्षकाे समेत जिम्मेवारी बहन गरिसकेका छन । मुलुककाे बिशिष्ट परिस्थिति र कानुनी ब्यवस्थाका कारण केही संस्थागत जिम्मेवारी पुरा गर्नुपर्ने अवस्था रहेकोले ति जिम्मेवारी पुरा गर्न पुनः यस प्रालिकाे नेतृत्वमा आउने साेचका साथ चुनाबमा गएको खरेलले बताएका छन ।