माघे सक्रान्तीको अवसरमा रुरु क्षेत्रमा स्नान तथा पुजा पाठ गर्नेको भिडभाड 

माघे सक्रान्तीको अवशरमा काली गण्डकीमा स्नान गर्नाले अन्जानमा गरेका सम्पुर्ण पाप नाश हुने, मृत्युपछी स्वर्गमा बास हुने जनबिश्वास रहेको पाईन्छ ।  स्नान गर्दा वा भगवानको दर्शन गर्दा भिडभाड भएपनि भक्तजनहरुले भने कोभिडको कुनै प्रभाव नगरी रुरु क्षेत्र कालीगण्डकीमा स्नान तथा दर्शन गर्न जुटेका हुन । रुरु क्षेत्रधाम नेपालको चार धाम मध्ये एक भएकोले यसको विशेष धार्मिक महत्व रहेको छ । कालीगण्डकीमा मक्रर सक्रान्ती स्नानको लागी पाल्पा, गुल्मी, अर्घाखाँची, स्याङ्जा, रुपन्देहि, कपिलबस्तु बाट भक्तजनहरु रुरु क्षेत्रधाम रिडिमा पुगेका छन ।

धार्मिक मेलामा रुकुम, रोल्पा, डोल्पाबाट, मनाङ, मुस्ताङबाट काम्लो, कम्मल, राडी, पाखी, बा“सबाट उत्पादित बिभिन्न किसिमका डाला, पाथी, काइयो लगायतका घरेलु सरसमान बिक्रीको लागी रुरु क्षेत्रमा आएका छन । धार्मिक मेलामा गुल्मीको गुड, पाल्पाको सुन्तला विक्रिको लागी राखिएको छ ।