रिलाईन्स लाईफद्वारा घातक रोग विरुद्धको बिमादावी भुक्तानी

पाल्पा, १ माघ  । रिलाईन्स लाईफ इन्स्योरेन्स लिमिटेड पाल्पा शाखाले घातक रोग बिरुद्ध गरेको बिमा दाबी रकम भुक्तानी गरेको छ । तानसेन नगरपालिका वडानम्बर ६ की सुजाता क्षेत्रीलाई बिमा रकम भुक्तानी गरेको हो । क्षेत्रीको जटिल प्रकारको शल्यक्रिया गरि उपचार भएको थियो । अस्पतालमा भएको खर्च रकम ३ लाख २३ तेईस हजार ५ सय वरावरको चेक भुक्तानी गरेको कम्पनीका पाल्पा शाखा प्रमुख सन्तोष पौडेलले जानकारी दिनुभयो । पौडेलका अनुसार पाल्पा शाखामा घातक रोग विरुद्ध गरेको विमाको पहिलो पटक विमा दावीको भुक्तानी भएको हो ।

घातकरोग विरुद्ध चेक प्राप्त गर्ने सुजाता ढुङ्गाना क्षेत्रीले अन्य व्यक्तिलाई पनि विमा गरि सुरक्षित हुनुपर्दछ भन्ने जानकारी गराउँदै यसले उपचारमा लाग्ने आर्थिक भार कम गर्न सहयोग मिल्ने बताउनुभयो । चेक हस्तान्तरण गर्दै कम्पनीका सहायक हेमन्त थापा, कर्मचारी अस्मिता कार्की र एजेन्सी मेनेजर दिपक कुमारी वि.सी. ले रिलायन्स लाईफ इन्स्योरेन्स, पाल्पा शाखामा बिमा गरी सुरक्षित हुन आग्रह गरे ।