साउन १ गतेदेखि नयाँ टीएमएस साथै ब्रोकर कार्यालयबाट चेक मार्फत भुक्तानी लिन लगानीकर्तालाई सेयर ब्राकरहरुले अनुरोध

पछिल्लो समय लगानीकर्ताका अधिकांश गुनासाहरु सम्वोधन गरिएपनि धितोपत्र तथा रकम भुक्तानीमा आजका दिनमा पनि केही गुनासाहरु आउने गरेको ब्रोकरहरुले जानकारी गराएका छन् । आफ्नो स्वामित्व तथा नियन्त्रणमा नरहेका प्रणालीहरुको प्रयोग गरी भुक्तानी गर्नपर्ने, त्यस्ता प्रणालीहरुमा बारम्बार समस्या आउने, प्रणाली प्रयोग गर्ने समयमा रहेका पावन्दी र सामान्य समस्या समधान गर्न पनि अन्य निकायमा लामो समयसम्म भर पर्नुपर्ने हुँदा धितोपत्र तथा रकम भुक्तानीमा नचाहँदानचाहँदै पनि विलम्ब हुने गरेको ब्रोकरहरुको भनाई छ ।

धितोपत्र भुक्तानी सम्बन्धि  समस्या समधान गर्न व्यावसायी र सीडीएस एन्ड क्ल्यिरिङ लिमिटेडको सयुक्त पहलमा प्रणालिको विकास गरी परिक्षणको क्रममा रहेको पनि विज्ञप्तिमा उल्लेखछ । निकट भविश्यमै यो प्रणाली सञ्चालनमा आउने र धितोपत्रको भुक्तानीसँग सम्बन्धित लगानिकर्ताका गुनासाहरु पूर्ण रुपमा समधान गर्न सकिने ब्रोकरहरुको भनाई छ ।

आधिकारिक प्रतिनिधि तथा सब–ब्रोरकको माध्यमबाट देशका हरेक क्षेत्रमा दोस्रो बजार विस्तार गर्न र मार्जिन टे«डिङ, लगानी परामर्श, लगानी व्यवस्थापन र इन्ट्रा डे कारोबार जस्ता थप सेवाहरु प्रवाह गरी बजारलाई थप गति प्रदान गर्ने तिब्र इच्छा रहेको एसोसिएसनले जनाएको छ ।

चुस्त दुरुस्त सेवा प्रवाह गर्न, कारोबारमा निहित जोखिम व्यवस्थापन गर्न र लगानीकर्ताले कारोबार गर्दा व्यहोर्नुपर्ने दुःख अन्त्य गर्न ब्रोकरहरुको संयुक्त पहलमा दश भन्दा बढी राष्ट्रहरुमा प्रयोग भईरहेको कारोबार प्रणाली (टीएमएस) ल्याउने सम्झौता गरी उक्त प्रणाली अद्यावधिक गर्ने काम तिब्र गतिमा अगाडी बढाइएको पनि ब्रोकर एसोसिएसनले जानकारी गराएको छ ।

सम्बन्धित पक्षहरुको उचित सहयोग पाएमा आगामी साउन १ गतेबाट उक्त प्रणाली लगानीकर्ताले प्रयोग गर्न पाउने ब्रोकरहरुले जनाएका छन् । उक्त प्रणालीमा मल्टी एसेट, मल्टी एक्सचेन्ज ट्रेडिङ प्ल्याटफर्म रहेको र सेयर, डिबेन्चर, बन्ड, डेरिभेटिभ्स, करेन्सी लगायत विभिन्न उपकरणहरुको कारोबार एक वा एक भन्दा बढी स्टक वा डेरिभेटिभ्स एक्सचेन्जमा एकैसाथ गर्न सकिने छ ।

साथै मोबाइल एप्लिकेसनसहितको यो प्रणालीले लगानीकर्ताहरुलाई कारोबार गर्न थप सहजता प्रदान गर्नेछ । अर्थतन्त्र,बजार तथा सूचीकृत कम्पनिको आधारभूत तथा प्राविधिक विश्लेशण गर्न सकिने गरी यस प्रणालिमा तथ्याङ्कहरु राखिने छन् ।

लगानीकर्ताहरुले आफ्नो कारोबारको सम्पूर्ण हिसाब तथा आफ्नो पोर्टफोलियो तथा नाफा घाटाको अवस्था पनि यसैप्रणाली मार्फत हेर्न पाउने व्यवस्था रहने छ । स्टप लस, टेक प्रोफिट, आफ्टर मार्केट अर्डर, हाइ फ्रिक्वेन्सी ट्रेडिङ जस्ता आदेश व्यवस्थापन विशेषताले गर्दा कारोबार गर्न निकै सहज हुने ब्रोकरहरुको भनाई छ ।