पारामाउन्ट मोटर्सले हिजो एमजी हेक्टरलाई नेपाली बजारमा औपचारिक लन्च गरेको छ । नेपाली बजारका लागि समेत निकै प्रतीक्षा गरिएको यो एसयूभी ढिलै गरी भएपनि नेपाल भित्रिएपछि भोलिका दिनमा यसको बजार कस्तो रहला भन्ने विषयमा अहिले चासो बढ्न थालेको छ ।
भारतीय बजारमा २ बर्षअघि नै लन्च भएको हेक्टरले त्यसयता नेपाली ग्राहकको समेत ध्यान खिच्दै आएको थियो । कम्प्याक्ट एसयूभीको बजार तीव्र गतिमा विस्तार भैरहेको नेपाली बजारमा यो एसयूभीको बजारलाई भने एमजीकै जेडएस ईभीको लोकप्रियताले ओझेलमा पार्ने सम्भावना देखिएको छ ।
नेपाली बजारमा सर्बाधिक बिक्री हुने ईभीका रुपमा परिचित जेडएसको बढ्दो लोकप्रियताले यो ब्रान्डका अन्य एसयूभीलाई समेत ओझेलमा पारेका कारण यस्तो अनुमान लगाइएको हो । जेडएस ईभी बाहेक एमजीसँग जिएस, जेडएस र एचएस मोडलका एसयूभी समेत उपलब्ध भएपनि यी मोडल खासै सफल हुन सकिरहेका छैनन् । जेडएस ईभी आउनुअघि राम्रै संख्यामा बिक्री भैरहेको इन्धनबाट चल्ने जेडएसको बिक्री समेत यही ईभीको लोकप्रियताका कारण प्रभावित बनेका कारण हेक्टरमा समेत यही अवस्था नदेखिएला भन्न सकिँदैन ।
बजारमा अहिले धेरै ग्राहकले एमजी भन्ने वित्तिकै जेडएस ईभी भनेर चिन्ने गरेको पाइन्छ । मूल्यका हिसावले समेत सबैभन्दा सस्तो यो ईभीको माग अहिले बजारमा धान्नै नसक्ने गरी बढिरहेको छ । ५१ लाख रुपैयाँमा फिचर्स लोडेड र आकर्षक लुक्स भएको इलेक्ट्रिक एसयूभी खरिद गर्न पाइएपछि ग्राहकको आकर्षण यसमा बढ्न थालेको हो ।
यस्तो छ नयाँ हेक्टर
१.५ लिटरको टर्बोचार्ज्ड इन्टरकुल इन्जिनयुक्त हेक्टर एमटी र सीभीटी दुवै भेरिएन्टमा उपलब्ध छ । यसमा रहेको १.५ लिटर टर्बो पेट्रोल इन्जिनले १४३ एचपीको पावर र २५० एनएमको टर्क जेनेरेट गर्छ । इन्जिनमा ६ स्पिड म्यानुअल गियरबक्स स्ट्यान्डर्ड समावेश गरिएको छ ।
हेक्टर साइन एमटीको मूल्य ५९ लाख ९९ हजार, स्मार्ट एमटीको मूल्य ६७ लाख ९९ हजार र सार्प एमटीको मूल्य ७३ लाख ९९ हजार रुपैयाँ तोकिएको छ । त्यसैगरी हेक्टर साइन सीभीटीको मूल्य ६४ लाख ९९ हजार, स्मार्ट सीभीटीको मूल्य ६७ लाख ६० हजार र सार्प सीभीटीको मूल्य ७८ लाख २५ हजार रुपैयाँ तोकिएको छ ।
फरक शैली र कार्यका लागि हेक्टर भारतमा निकै नै रुचाइएको एसयूभी हो । यसमा एसयूभी क्याटागोरीमै पहिलो पटक बोल्ड फ्रन्ट क्रोम ग्रिल, प्रोजेक्टर हेडल्याम्प, स्टाइलिस आर १७ सिल्भर एलोइज, इलेक्ट्रिक सनरुफ, पुस बटन स्टार्ट, इलेक्ट्रिक पार्किङ ब्रेक, २६.४ सेमीको एचडी टचस्क्रिन सिस्टम र अन्य धेरै विशेषता छन् ।
त्यसैगरी एमजी हेक्टर एसयूभीमा ड्युअल फ्रन्ट एयरब्याग्स, ईबीडीको साथमा एबीएस, ईएसपी, ट्रयाक्सन कन्ट्रोल, रियर पार्किङ सेन्सर र चारै ह्विलमा डिस्क ब्रेक जस्ता फिचर रहेको छ ।
काठमाडौँ । नेपाल अटोमोबाइल इम्पोर्टर्स एन्ड म्यान्युफ्याक्चरर्स एसोसिएसन (नाईमा) ले गत भदौ २३ र २४…
टोकियो - पछिल्लो समयमा नेपालमा खासगरी युवा पुस्तामाझ अत्यधिक रुचाईएको साँगीतिक 'ब्याण्ड सज्जनराज वैद्य' को…
विर्तामोड, झापा — नव आदर्श टोल विकास संस्थाले सामाजिक उत्तरदायित्वका भावना सहित समाजसेवामूलक अभियान अन्तर्गत…
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…