संस्कृति जोगाउन र सिकाउन संस्कृत पढाई आवस्यक

पाल्पा, २५ पुस । श्रीनगर युवा रेडक्रस सर्कल पाल्पाले न्यानो कपडा तथा खाद्यान्न वितरण गरेको छ । रामनदी धाम राम्दीमा सञ्चालन रहेको गुरुकुल धामका ४४ जना विद्यार्थीहरूलाई कपडा तथा खाद्यान्न वितरण गरीएको हो । समाजको सेवाभाबले उत्प्रेरित रेडक्रस सर्कलका सदस्यहरुले संस्कृति जोगाउन र सिकाउन संस्कृत पढाई आवस्यक रहेको औंल्याएका छन ।
`म सेवा गर्छु´ भनी समाजको सेवामा लागेको श्रीनगर युवा रेडक्रस सर्कलका अध्यक्ष सुवास गैरेले बताए । महिला नेतृ समाजसेवी सुनीता अधिकारीले संस्कृति जोगाउन र सिकाउन संस्कृत भाषाको ज्ञान् र अध्ययन आवस्यक रहेको बताइन् । खाद्यान्न तथा न्यानो कपडा बितरण कार्यक्रममा सर्कलका पदाधिकारी सहित १७ जनाको उपस्थित रहेको थियो ।