पाल्पा, २० मङ्सिर ।
सार्बजनिक तथा सरकारी सवारी साधनका चालकहरूलाई सडक सुरक्षा सतर्कता सम्बन्धि प्रशिक्षण दिईएको छ । आन्तरिक मामिला तथा सञ्चार मन्त्रालय लुम्बिनी प्रदेशको आयोजनामा १ दिने ट्राफिक चेतना प्रवर्द्धन कार्यक्रम तानसेनमा सम्पन्न भएको हो ।
लुम्बिनी प्रदेशका सुचना तथा सँचार मन्त्री तिलकराम शर्माले कार्यक्रमको उद्घाटन गर्दै सार्बजनिक यातायातको यात्रा सुरक्षित बनाउन सवारीका चालक, सहचालकहरु जिम्मेवार बन्न आग्रह गर्नुभयो । पाल्पाका प्रमुख जिल्ला अधिकारि जगन्नाथ पन्तले सडकमा हुने लापरबाहीले दुर्घटना बढेकोले यसको नियन्त्रण गर्न चालक मजदुर नै जिम्मेवारी हुनुपर्ने बताउनुभयो ।
कार्यक्रमका मुख्य प्रशिक्षक लुम्बिनी प्रदेश ट्राफिक प्रहरी कार्यालय बुटवलका प्रहरी नायक उपरिक्षक श्री मोहन वहादुर खाँण र प्रहरी नायक निरिक्षक हुमानन्द खनाल रहनुभएको थियो ।
कार्यक्रममा श्रीनगर यातायात सेवा कम्पनी प्रालीका सवारीचालक, सहचालक, र पाल्पाका सरकारी कार्यालयका सवारी चालक समेत गरि कुल १ सय ५५ जनाको उपस्थिति रहेको थियो ।
कार्यक्रममा माननीय गीता थापा, प्रदेश उपसचिव दामोदर भन्डारी, पाल्पाका प्रहरी प्रमुख सन्तोष कुमार भट्टराई लगायत अन्य विशिष्ट व्यक्तिहरुको उपस्थिति रहेको थियो । कार्यक्रमको सहजीकरण श्रीनगर यातायात सेवा कम्पनी प्रालीले गरेको थियो । कार्यक्रमकाे सञ्चालन मन्त्रालयका शाखा अधिकृत देवीराम पाठकले गर्नु भएको थियोे ।
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…
काठमाडौँ – राष्ट्रपति रामचन्द्र पौडेलले नवनियुक्त प्रधानमन्त्री सुशीला कार्कीको सिफारिसमा शुक्रबार मध्यरातमा प्रतिनिधिसभा विघटनको घोषणा…