एकैदिन १ सय २५ संक्रमीत थपिँदा निको हुने शुन्य

पाल्पा । पछिल्लो समय कोरोना संक्रमणको दर डरलाग्दो अवस्थामा बढेको छ । दैनिक रुपमा रेकर्ड थपिदै गएको पाल्पामा बिहिवार भने १ सय २५ जना संक्रमीत थपिएका छन । यो संख्या थपिदा बिहिबारको दिनमा निको हुनेको संख्या भने शून्य रहेको छ ।
स्वास्थ्य कार्यालय पाल्पाका अनुसार पिसिआर परीक्षणबाट ७९ र एन्टिजेन परीक्षणमा ४६ गरी १ सय २५ जनामा कोरोना पुष्टि भएको हो । बुधबारको तुलनामा संक्रमणको यो दर केही कमि हो । तर पनी परिक्षणको दर अझ धेरै बढाउनुपर्ने देखिएको छ । जिल्लामा ३७ जना कोरोनाका बिरामी अस्पतालमा उपचाररत छन भने ७ सय २० जना होम आइसोलेसनमा गरी कुल सक्रिय संक्रमीत को संख्या ७ सय ५७ जना रहेका छन ।

जिल्लामा तथ्यांक अनुसार ३७ जना बिरामी मात्र अस्पताल र ७२० जना होम आइसोलेसनमा छन भने । कोभिडका बिरामीले अस्पतालमा बेड नपाउने समस्या बढेको छ ।