भारतीय भूमिमा नेपाली नागरिकमाथि गोली प्रहार, एकजना घाइते

काठमाडौं । कञ्चनपुरको नेपाल–भारत सीमा क्षेत्रमा पर्ने भारतीय भूमिमा नेपाली नागरिकमाथि गोली चलेको छ ।

भारतीय वनरक्षकको टोलीले दोधरा–चाँदनीसँग जोडिएको भातरतीय भूमिमै नेपाली नागरिकमाथि गोली चलाएका हुन् ।

गोली प्रहारबाट स्थानीय १८ वर्षीय नरेश सुनार घाइते भएका छन् । उनको कञ्चनपुरको सदरमुकामस्थित महाकाली प्रादेशिकअस्पतालमा उपचार भइरहेको जिल्ला प्रहरी कार्यालय कञ्चनपुरका एसपी मुकुन्द मरासिनीले जानकारी दिए ।

उनका अनुसार घटनाको विस्तृत विवरण आइसकेको छैन । घटनाबारे भारतीय पक्षसँग जानकारी लिने प्रयास भइरहेको छ ।