कक्षा १२ को नतिजा प्रकाशित

पाल्पा। ‍राष्ट्रिय परीक्षा बोर्डले गत भदौ ३० गतेदेखि परीक्षा लिएकाे कक्षा १२ को नतिजा प्रकाशित गरेको छ। शुक्रबार बिहान बसेको बोर्डको बैठकले नतिजा प्रकाशित गर्ने निर्णय गरेको हो ।

बोर्डले सात हजार ३६ परीक्षार्थीले ‘ए प्लस’ र ४८ हजार २३९ विद्यार्थीले ‘ए’ ग्रेड प्राप्त गर्न सफल भएको जनाएको छ। बोर्डका अनुसार ७० हजार एक परीक्षार्थीले ‘बी प्लस’, ९९ हजार ५३७ ‘बी’, ७५ हजार ८८ ‘सी प्लस’ र २४ हजार ५१५  परीक्षार्थीले ‘सी’ ग्रेड ल्याएका छन्। गत भदौ ३० गतेदेखि होम सेन्टरमा कक्षा १२ को परीक्षा लिएको थियो।