काठमाडौं । नेपालको पहिलो स्ट्यान्ड अप कमेडी रियालिटी शो ‘कमेडी च्याम्पियन’ सिजन–२ सुरु भएको छ । आजबाट डिजिटल अडिसन ओपन भएसँगै सिजन–२ सुरु भएको हो ।
आजबाट सुरु भएको डिजिटल अडिसन असोज १४ गतेसम्म जारी रहने छ । अडिसनका लागि कमेडी च्याम्पियनको एपका गएर बढीमा चार मिनेट ५९ सकेन्डको भिडियो अपलोड गर्नु पर्ने ‘कमेडी च्याम्पियन’का निर्देशक विशाल भण्डारीले जानकारी दिए ।
१४ गतेसम्म प्राप्त अडिसनबाट कम्तिमा १२० जनालाई फिजिकल अडिसनका लागि छनोट गरिने छ । यद्यपि प्रतिस्पर्धीको कन्टेन्ट र प्रतिस्पर्धीका आधारका यो संख्यामा केही तलमाथि हुने निर्देशक भण्डारी बताउँछन् ।
१२० बाट २४ जना छनोट हुने र सोही समयबाट टेलिभिजनमा कार्यक्रम प्रशारण हुने छ । उत्कृष्ट १५ जनाबाट भोटिङ सुरु हुने छ । कार्यक्रम कात्तिकको दोस्रो हप्ताबाट प्रशारण गर्ने तयारी रहेको निर्देशक भण्डारीले जानकारी दिए ।
गत वर्ष डिजिटल अडिसनमा २ हजार २०० प्रतिस्पर्धी सहभागी भएकोमा यो वर्ष संख्या बढ्ने अपेक्षा आयोजको छ ।
“हासौं र हसाऔं भन्ने उद्देश्यले कोरोनाको त्रासकाबीच कार्यक्रम सुरु गरेका छौं । यो वर्ष विगतको भन्दा धेरै सहभागिता हुने अपेक्षा गरेका छौं,” निर्देशक भण्डारी भन्छन् ।
विजेताले कार र २५ लाख नगद पुरस्कार प्राप्त गर्नेछन् । दोस्रो सिजनमा पनि निर्णायक सिजन–१ कै सन्तोष पन्त, मनोज गजुरेल, प्रदीप भट्टराई र ऋचा शर्मा हुनेछन् ।
यो पटक मूल्यांकन फम्र्याट केही परिवर्तन हुनेछ । सेट परिमार्जित र भब्य हुने भन्दै निर्देशक भण्डारी भन्छन्, “गत वर्षकोभन्दा सेटमा मात्रै १५ देखि २० लाख बढी खर्च हुनेछ भने कन्टेन्टमा पहिलो सिजनभन्दा चार गुणा बढी जनशक्ति थप गरिएको छ ।”
बिर्तामोड । बिर्तामोडस्थित अतिथी सदनमा नेपाल पत्रकार महासंघ झापा शाखाले २६ जना झापाली पत्रकारलाईपुरस्कार तथा…
टोकियो ।आंउदै गरेको नेपाली नयां वर्ष २०८१ सालको अवसरमा अर्घाखाँची समाज जापानले सांस्कृतिक सांझ गर्ने भएको…
पाल्पा । भरुवा बन्दुक सहित ४ जनालाई प्रहरीले नियन्त्रणमा लिएको छ । चैत्र १२ गते…
कालीगण्डकीमा निर्माणाधीन पुल: स्याङ्जाको चापाकोट नगरपालिका १० र पाल्पाको रामपुर नगरपालिका १० जोड्नका लागि कालीगण्डकी…
टोकियो । जापानको नेपाली समुदायबीच चिरपरिचित मिडिया कम्पनी जिएमटी इन्टरनेशनलले नयाँ एप सार्बजनिक गरेको छ…
काठमाडौं । लोक तथा दोहोरी गायक रामचन्द्र चन्दले सर्वोत्कृष्ट विन्दवासिनी म्युजिक अवार्ड प्राप्त गरेका छन्…