सन्ताेष गहतराज ,पाल्पा , पाल्पाको रिब्दीकोट गाउँपालिकाले कृषकले उत्पादन गरेका तरकारी उपभोक्ताको घर–घर सम्म पुुर्याउनका लागि कृषि एम्बुलेन्स सञ्चालन गरेको छ । लकडाउनका कारण कृषकहरुले उत्पादन गरेको तरकारीको बजारिकरणमा समस्या भएको भन्दै गाउँपालिकाले कृषि एम्बुलेन्समार्फत उपभोक्ताको घरमै तरकारी पुुर्याएको हो । कृषकहरुको उत्पादन खेर नजाओस् भन्ने उद्देश्यका साथ गाउँपालिकाले तरकारी संकलन तथा विक्री गर्ने गरी कृषि एम्बुलेन्स सेवा सञ्चालनमा ल्याएको छ ।
गाउँपालिकाले तरकारी संकलन सुरु गरे पछि व्यवसायिक कृषकहरुले राहतको महशुस गरेका छन् । कृषकको बारीमा फलेको तरकारीलाई उपभोक्ताको घर घरमा लगेर सहुलियत दरमा तरकारी उपलब्ध गराउन थाले पछि उपभोक्ताहरुले हरियो तरकारी घरमै पाउन थालेका छन् । गाउँपालिकाले कृषकको बारीमा फलेको तरकारीलाई उपभोक्ताको घर–घरमा लगेर सहुलियत दरमा विक्री वितरणमा सहजिकरण गरेको गाउँपालिकाका अध्यक्ष नारायण जिसीले बताए । उनले कृषकले उत्पादन गरेको तरकारी खेर नजाओस् भन्नका लागि कृषि एम्बुलेन्समार्फत उपभोक्ताको घर घरमा तरकारी पुुर्याएको बताए । कृषकले उत्पादन गरेको तरकारी बेच्न समस्या र उपभोक्ताले सहज मूल्यमा तरकारी नपाएपछि अहिले उपभोक्ताको घरघरमै सुपथ मूल्यमा तरकारी पुग्न थालेपछि स्थानीय उत्साहित भएको गाउँपालिकाका प्रमुख प्रशासकिय अधिकृत रिषिराम अर्यालले बताए ।
मैनादीमा रहेको मैनादी कृषि समूहका कृषकले उत्पादन गरेको गोलभेडा, बोडी, सिमी काउली, काक्रा लगायतका उत्पादन अहिले गाउँपालिका भित्रका उपभोक्ताहरुलाई सस्तो मूल्यमा घर–घरमा लगेर विक्री गरेको सहकारीका जगदीश कुवँर बताउँछन् । अहिले पाल्पामा बुटवल, कपिलवस्तु लगायतका जिल्लाबाट तरकारी आउन नपाएपछि स्थानीय तरकारी घर–घरमा विक्रिका लागि ल्याएपछि उपभोक्तालाई तरकारी खरिद गर्ने समस्या हटेको गाउँपालिकाका कृषी संयोजक रञ्जीव कुवँरले बताए । यसरी गाउँपालिकामा उत्पादन भएको तरकारी कृषकहरूले गाउँपालिकाले घरमा अाइ तरकारी खरिद गरि दिदा गाउँपालिकाका कृषकहरू एक तर्फ राहत महसुस गरेका छन । भने अर्को तर्फ उपभोक्ताहरूले गाउँपालिकाले घरघरमा कृषि एम्बुलेन्सबाट गाउँपालिकामा उत्पादन भएको सरल र सफा तरकारी पाउदा खुशी छन ।
जापान । जापानबाट नेपाल लगायत विश्वका विभिन्न देशहरुमा पैसा पठाउँदै आइरहेको फोरेक्स रेमिटेन्सले मोवाईल एप्लिकेसन…
बिर्तामोड। अनारमनी सोशल यूथ क्लबले आयोजना गरेको बिर्तामोड रनको तेस्रो संस्करण आगामी १४ कार्तिक २०८१…
दमक, उत्प्रेरक उद्यमी समाज बिर्तामोड ४, झापाको दोस्रो वार्षिक साधारण सभा आज सफलतापूर्वक सम्पन्न भएको…
काठमाडौँ – राष्ट्रिय स्वतन्त्र पार्टीका सभापति रवि लामिछानेलाई सहकारी ठगी प्रकरणमा प्रहरीले शुक्रबार पक्राउ गरेको…
काठमाडौ: समकालीन विश्वमा चीन दोस्रो ठूलो कार बजार र अर्थतन्त्रको आकारमा पनि दोस्रो स्थानमा रहेको…
काठमाडौ। लण्डन, ओन्टारियोको प्रतिष्ठित म्युजिक हलमा हुन लागेको नेपाली गायक सबिन राई एण्ड द फरोजको…