काठमाडौं , १३ असोज । सडकमा सवारी चाप बढेपछि काठमाडौं उपत्यकामा जोर–बिजोर प्रणालीमा कडाइ गरिएको छ। जोर–बिजोर प्रणालीलाई प्रभावकारी बनाउन जाँचमा कडाइ गरिएको ट्राफिक प्रहरीले जनाएको छ।
उपत्यकाका तीनै जिल्लाकाका प्रमुख जिल्ला अधिकारीहरूले २५ भदौदेखि लागू हुने गरी उपत्यकाभित्र जोर–बिजोर प्रणालीअनुसार सवारी सञ्चालन गर्ने निर्णय गरेका थिए।
नियमानुसार जोर–बिजोर प्रणालीमा सञ्चालन नहुने सवारीलाई ‘होल्ड’मा राख्ने गरिएको छ। दिउँसोसम्म ८०० भन्दा धेरै सवारी साधन ट्राफिक कारबाहीमा परेका छन्। यसमा करीब ७०० मोटरसाइकल र स्कुटर रहेका छन्।
‘होल्ड’ गरिएको सवारीलाई साँझ ८ बजेमात्रै छाड्ने बताइएको छ। संक्रमणको जोखिम बढ्दै गएकाले जोर–बिजोर प्रणाली पूर्णरूपमा पालना गर्न ट्राफिक प्रहरीले आग्रह गरेको छ। पछिल्लो समय उपत्यकामा संक्रमितको संख्या बढ्दै गएपनि निषेधाज्ञा खुकुलो भएपछि भीडभाड बढिरहेको छ।
विर्तामोड, झापा — नव आदर्श टोल विकास संस्थाले सामाजिक उत्तरदायित्वका भावना सहित समाजसेवामूलक अभियान अन्तर्गत…
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…