पाल्पा । स्वतन्त्र पत्रकार संघ नेपाल, पाल्पा शाखाले नयाँ वर्ष २०७७ को क्यालेण्डर प्रकाशन गरेको छ । पाल्पाको ऐतिहासिक स्थल, संघका गतिविधि, स्थानीय तहका सामाजिक सन्देश र महत्वपूर्ण तिथिमिति समावेश गरी प्रकाशित क्यालेण्डर शुक्रबार सार्वजनिक गरिएको हो ।
स्वतन्त्रका केन्द्रीय उपाध्यक्ष अम्बिका पाण्डे, केन्द्रीय महासचिव जीवलाल सुवेदी, प्रदेस ५ कार्यसमिति सदस्य भविन्द्र गौतम, जिल्ला अध्यक्ष भोजराज भट्टराई र कोषाध्यक्ष प्रकाश न्यौपानेले संयुक्त रूपमा क्यालेण्डर विमोचन गर्नुभयो । जिल्ला अध्यक्ष भोजराज भट्टराईले संघले जिल्लाबाट सम्पादित केही गतिविधि समावेश सहित प्रकाशित क्यालेण्डरलाई लकडाउन खुलेपछि देशभरका शाखासम्म पुर्याइने बताउनुभयो । भट्टराई संयोजक रहेको प्रकाशन समितिमा भविन्द्र गौतम, अम्बिका पाण्डे, जीवलाल सुवेदी, राम ज्ञवाली र प्रकाश न्यौपाने रहनुभएको छ ।
यसअघि स्वतन्त्रको पाल्पा शाखाको संयोजनमा स्वतन्त्र सन्देश अंक २ प्रकाशन भएको थियो । संघले वार्षिक रूपमा देशभरका शाखाहरूको गतिविधि समावेश गरी स्वतन्त्र सन्देश प्रकाशनलाई निरन्तरता दिएको र केही शाखाहरूले क्यालेण्डर प्रकाशन गरेको केन्द्रिय महासचिव जीवलाल सुवेदीले जानकारी दिनुभयो ।
विर्तामोड, झापा — नव आदर्श टोल विकास संस्थाले सामाजिक उत्तरदायित्वका भावना सहित समाजसेवामूलक अभियान अन्तर्गत…
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…