फाईल फोटो
एजेन्सी । क्याटलान क्लब बार्सिलोनाका अध्यक्ष जोसेप मारिया बार्टोमेउसँगै बोर्डका सम्पूर्ण सदस्यले आफ्नो पदबाट राजिनामा दिएका छन् ।
पछिल्लो समय समर्थकहरुबाट अत्यधिक दबाब आएपछि बार्टोमेउले राजिनामा दिएका हुन् । सन् २०१४ मा अध्यक्ष भएका उनको लिओनेल मेस्सीसँग सम्बन्ध चिसिएपछि यो निर्णयमा पुगेका हुन् । यद्यपि बढ्दो दबाबका बीच उनीविरुद्ध अविश्वासको प्रस्ताव अघि बढ्ने सम्भावना समेत थियो ।
मार्च महिनामा कार्यकाल सकिने भएपनि उनले ५ महिना अगावै राजिनामा दिएका हुन् । क्लबका २० हजार बढी सदस्यले उनलाई पदमुक्त गर्न हस्ताक्षर संकलन गरेका थिए । बार्सिलोनाको आर्थिक अवस्थामा ह्रास र मैदानभित्र पनि खस्कँदो प्रदर्शनका कारण बार्टोमेउ आलोचित हुँदै आएका थिए ।
केहि महिनाअघि मात्र सुपरस्टार लिओनेल मेस्सीले अध्यक्षकै कारण क्लब छोड्ने घोषणा गरेपछि उनीमाथि दबाब थपिएको थियो । मेस्सीको सम्झौतामा अंकित रिलिज क्लजको विषयमा क्लबले एकतर्फी भनाइ राखेपछि मेस्सीले क्लबविरुद्ध अदालत नजाने निर्णय गरेका थिए । उनले अन्तिम एक वर्ष क्लबमा नै रहेर सुखद बिदाइ लिने घोषणा गरेका हुन् ।
विर्तामोड, झापा — नव आदर्श टोल विकास संस्थाले सामाजिक उत्तरदायित्वका भावना सहित समाजसेवामूलक अभियान अन्तर्गत…
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…