माथागढीमा कोरोना भाईरस रोकथाम र राहत वितरणकाे अनुगमन

सन्ताेष गहतराज १३ बैशाख,पाल्पा । माथागढी गाउँपालिकामा कोरोना भाइरस रोकथाम तथा राहत वितरणका सम्बन्धमा जिल्ला स्तरीय अनुगमन भएको छ । जिल्ला समन्वय समितिको समन्वयमा भएको अनुगमनमा प्रदेश सभा सदस्यहरू नारायण प्रसाद आचार्य, युवराज खनाल, रमा घर्ति, पत्रकार साथै राजनितिक दलका प्रतिनिधिहरू लगायतको सहभागिता रहेको थियो । कोरोना भाइरस रोकथाम र राहत वितरणका सम्बन्धमा हालसम्म गाउँपालिकाले गरेको गतिविधिको बारेमा जानकारी दिदै वडा स्तरमा समन्वय समितिहरु गठन गरेको र सबैदलको सहमतिमा राहत वितरण प्रभावकारी ढंगले संचालन गरेको र भारत तथा तेस्रो मुलुकबाट आएका नागरिकहरुको निगरानी र स्वास्थ्य परीक्षण गरेको अनुगमनका क्रममा गाउँपालिकाका अध्यक्ष सन्तोष थापा मगरले जानकारी दिनुभयो । उहाँले भारत तथा तेस्रो मुलुकबाट आएका नागरिक समुदाय स्तरमै र्‍यापिड टेस्ट परिक्षण गर्न प्रदेश सरकार समक्ष माग गर्नुभयो। गाउँपलिकाका सबै वडामा पहिलो चरणमा १८ लाख ६० हजार बढीको ८८५ जनालाई राहत विरण गरिएको, ५३ बेडको क्वारेन्टाइन स्थलको निर्माण गरी ६ जनालाई क्वारेन्टाइनमा राखिएको गाउँपालिकाका प्रमुख प्रशासकीय अधिकृत राजु नेपालले जानकारी दिए । उहाँले गाउँका महिला स्वयंसेविका, वडा अध्यक्ष, वडा सदस्य लगायतको समन्वयमा आपतकालिन स्वयम्सेवक गठन गरी तयारी अवस्थामा राखिएको बताउनुभयो । अनुगमनका क्रममा माथागढी गाँउपालिकाउपाध्क्षय निर्मला भट्टराई स्वास्थ्य शाखा प्रमुख केशव जि.सि को उपस्थिति रहेको थियो ।