अवैध रुपमा सञ्चालित क्लिनिक बन्द गर्न माग

उदयपुरको त्रियुगा नगरपालिका–२ मोथ्याईका बासिन्दाले अवैध रुपमा सञ्चालित क्लिनिक बन्द गर्न माग गरेका छन् ।  शनिबारस्थानीय २३ वर्षीया विनिता थापाको सदरमुकाम गाइघाटस्थित टाइम्स पोलिल्किनिकमा उपचारका क्रममा मृत्यु भएको थियो । अवैधरुपमा सञ्चालित उक्त  क्लिनिकका सञ्चालक डा रामजीवन यादवले गलत औषधि दिँदा थापाको मृत्यु भएको उहाँका आफन्तकोआरोप छ । सञ्चालक यादवलाई कारवाही गर्नुपर्ने तथा अवैध रुपमा सञ्चालित सो क्लिनिक बन्द गर्नुपर्ने माग गर्दै थापाका आफन्तआन्दोलनमा उत्रिएका छन् ।

क्लिनिक सञ्चालक यादवलाई कारवाही नगर्दासम्म  शव नबुझ्ने उनीहरुले अडान लिएका छन् । शनिबार दिउँसो बिरामी भएपछिथापालाई उपचारका लागि यादवको क्लिनिकमा भर्ना गरिएको थियो । उपचारपछि पनि थापाको अवस्था झन जटिल बनेपछि उनलाईथप उपचारका लागि जिल्ला अस्पताल लगिएको थियो । उनको जिल्ला अस्पतालमा  मृत्यु भएको बिरामीका आफन्त विक्रम थापालेबताउनुभयो ।

अवैध रुपमा सञ्चालित  क्लिनिकका सञ्चालक डा यादवको लापरवाहीका कारण ति युवतीको मृत्यु भएको उहाँले आरोपलगाउनुभयो । मृतक युवतीको शव जिल्ला अस्पतालमा राखिएको छ । जिल्ला स्वास्थ्य कार्यालयका प्रमुख मोहन सुवेदीले अवैध रुपमासञ्चालित डा यादवको क्लिनिकको विषयमा छानबिन थालिएको जानकारी दिनुभयो । क्लिनिकका सञ्चालक डा यादवलाई प्रहरीलेनियन्त्रणमा लिएको उहाँले बताउनुभयो । हाल उक्त क्लिनिक बन्द गराइएको छ ।