झापा – मेची प्रादेशिक अस्पताल भद्रपुर झापामा साउन १५ गतेदेखि कोरोना भाइरसको आरटी पीसीआर परीक्षण सुरु हुने भएको छ।
स्वीस सरकारले आरटि पिसिआर मेसिन उपलब्ध गराएपछि कोरोना भाइरसको परीक्षण मेची अस्पताल भद्रपुरमै सुरु हुने भएको हो।
यस अघि झापामा संकलन गरिएका स्वाब धरानस्थित बीपी कोइराला स्वास्थ्य विज्ञान प्रतिष्ठान, विराटनगरको कोशी अस्पताल तथा प्रादेशिक जनस्वास्थ्य प्रयोगशाला पुर्याउनु पर्थ्यो।
प्रदेश सरकारले शुक्रबार मात्र झापाका प्रदेश सांसदहरूलाई मेसिन हस्तान्तरण गरेको थियो। मेसिन अस्पताल आइपुगेपछि जडान कार्य सुरु गरिएको अस्पताल प्रशासनले जनाएको छ।
उक्त अस्पतालले प्रयोगशालामा काम गर्नका लागि ४ जना जनशक्ति तयारी अवस्थामा राखेको र दुईजनाका लागि आवेदन आह्वान गर्ने जनाएको छ।
अस्पतालका मेडिकल सपरिन्टेन्डेन्ट डा. पिताम्बर ठाकुरका अनुसार ती जनशक्तिलाई परीक्षणको तालिमका लागि विराटनगर पठाइने छ।
उनले भने, ‘मेसिनका लागि एउटा सानो सामान काठमाडौँबाट आउँदैछ। त्यो आइपुग्ने वितिक्कै परीक्षण सुरु भइहाल्छ।
अस्पतालमा स्थापना गरिने कोरोना भाइरस संक्रमण परीक्षण कक्षको झापाका प्रदेश सांसदहरुले शनिबार अनुगमन गरेका छन्।
काठमाडौँ । नेपाल अटोमोबाइल इम्पोर्टर्स एन्ड म्यान्युफ्याक्चरर्स एसोसिएसन (नाईमा) ले गत भदौ २३ र २४…
टोकियो - पछिल्लो समयमा नेपालमा खासगरी युवा पुस्तामाझ अत्यधिक रुचाईएको साँगीतिक 'ब्याण्ड सज्जनराज वैद्य' को…
विर्तामोड, झापा — नव आदर्श टोल विकास संस्थाले सामाजिक उत्तरदायित्वका भावना सहित समाजसेवामूलक अभियान अन्तर्गत…
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…