स्याङ्जाको वालिङ र कालीगण्डकी पहिरोमा मृत्यु हुनेको संख्या ६ पुगेको छ । अविरल वर्षापछि वालिङ नगरपालिका वडा १४, तमादीकी माया नेपालीको घरमाथिबाट आज बिहान ६ बजेतिर खसेको पहिरोमा पुरिँदा ६ जनाको मृत्यु भएको छ भने ४ बेपत्ता छन् ।
मृत्यु हुनेमा ४८ वर्षीया माया नेपालीसहित २७ वर्षीया उमाकला नेपाली, ३० वर्षीय दीपक नेपाली, ६० वर्षीया सानी नेपाली र ९ वर्षीय विवश नेपाली हुन् । बेपत्ता ४ जनाको खोजी कार्य भइरहेको प्रहरीले जनायो । पहिरोमा पुरिएकी १६ वर्षीया मनीषा नेपालीलाई भने जीवितै उद्धार गरी उपचारार्थ गण्डकी मेडिकल कलेज, पोखरा पठाइएको छ ।
पहिरोमा एकै परिवारका १० जना पुरिएकामा सर्वप्रथम माया नेपालीको शव फेला पारिएको हो । मनिषालाई जीवितै उद्धार गरी उपचारार्थ प्राथमिक स्वास्थ्य केन्द्र वालिङ लगिएकोमा थप उपचारार्थ पोखरा पठाइएको हो ।
उद्दारका लागि वडा प्रहरी कार्यालय वालिङबाट प्रहरी निरीक्षक हरिप्रसाद पौडेलको कमाण्डमा ११ जना र नम्बर ३० गुल्म हेकुवा वालिङबाट सप्रनाउ मोहन न्यौपानेको कमाण्डमा ११ जनाको टोली गएको थियो । प्रहरीले स्थानीयको सहयोगमा उमाकला, दीपक, सानी र विवशको शव बाहिर निकालेको हो ।
अन्य ४ जनाको उद्धार कार्य भइरहेको जिल्ला प्रहरी कार्यालय स्याङ्जाका प्रवक्ता प्रहरी नायव उपरीक्षक राजेन्द्र अधिकारीले जानकारी दिए । उता, स्याङ्जाकै कालीगण्डकी गाउँपालिका ४, गौतमडाँडाका बाबुराम दमाई र जगतबहादुर दमाइको घरमाथिबाट बिहीबार बिहान करिब ३ बजे खसेको पहिरोले दुवै घर पुरिएका छन् ।
पहिरोमा बाबुरामका १६ वर्षीय छोरा विष्णुको मृत्यु भएको छ । प्रहरी चौकी बिर्घाबाट गएको प्रहरी टोलीले स्थानीयको सहयोगमा बिहीबार बिहान साढे ५ बजे पहिरोबाट विष्णुको शव बाहिर निकालेको हो ।
काठमाडौँ । नेपाल अटोमोबाइल इम्पोर्टर्स एन्ड म्यान्युफ्याक्चरर्स एसोसिएसन (नाईमा) ले गत भदौ २३ र २४…
टोकियो - पछिल्लो समयमा नेपालमा खासगरी युवा पुस्तामाझ अत्यधिक रुचाईएको साँगीतिक 'ब्याण्ड सज्जनराज वैद्य' को…
विर्तामोड, झापा — नव आदर्श टोल विकास संस्थाले सामाजिक उत्तरदायित्वका भावना सहित समाजसेवामूलक अभियान अन्तर्गत…
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…