सन्तोष गहतराज,पाल्पा । पाल्पा जिल्लाको वगनासकाली गाउँपालिका पाल्पामा स्वास्थ्यका मापदण्ड पालना गरी विद्यालयमा सिकाई क्रियाकलाप संचालन गर्ने निर्णय भएको छ ।
आइतवार गाउपालिका शिक्षा समितिको वैठकले सवै विद्यालयहरुमा स्वास्थ्यका सम्पूर्ण मापदण्डहरु पालना गर्दै मंसिर ८ देखि विद्यालयमा पठनपाठन संचालन गर्न सकिने गरी निर्णय गरेको हो । वगनासकाली गाउँपालिकाका अध्यक्ष कृष्ण प्रसाद बस्यालका अनुसार अभिभावकहरुको सहमतिमा विद्यालय व्यवस्थापन समितिले वडा कार्यालयको शिफारिसमा विद्यालय संचालन गर्न सकिने व्यवस्था गरिएको छ । “हामीले गाउँपालिकाबाट पहिलोपटक थर्मोगन र स्यानिटाइजर सबै विद्यालयलाई प्रदान गछौं, अन्य मापदण्ड विद्यालयले नै पुरा गरेर संचालन गर्ने व्यवस्था गरेका छौं । ” अध्यक्ष बस्यालको भनाई छ । गाउँपालिकाले भनेको छ, विद्यालयले अनिवार्य सावुनपानी अथवा स्यानिटाइजरको व्यवस्था, अनिवार्य मास्कको प्रयोग, एक वेञ्चमा २ विद्यार्थी, ज्वरो मापन गर्नुपर्ने हुन्छ । त्यसैगरी रुघाखोकी लागेका विद्यार्थीलाई घरमै बस्न अनुरोध गर्ने, कोरोना पोजेटिभ देखएिका परिवारलाई विद्यालय नआउने, नजिकको स्वास्थ्य चौकी संग निरन्तर परामर्श गर्न भनिएको छ । विद्यालयमा पुर्व प्राथमिक तह, एल.के.जी. र यु.के.जीका वालवालिकाहरुलाई विद्यालयमा नवोलाउन तथा विद्यालयमा सिकाइ क्रियाकलाप वाहेकका अन्य क्रियाकलापहरु समेत अहिलेलाई नगर्न विद्यालयहरुलाई अनुरोध गरेको छ । विद्यालयको स्वास्थ्य मापदण्ड पालना भए नभएको सम्बँिधत वडाका जनप्रतिनिधि, राजनितिक दलहरु तथा शैक्षिक सरोकारवालाहरुबाट गर्ने निर्णय भएको गाउँपालिकाले जनाएको छ ।
बिर्तामोड । बिर्तामोडस्थित अतिथी सदनमा नेपाल पत्रकार महासंघ झापा शाखाले २६ जना झापाली पत्रकारलाईपुरस्कार तथा…
टोकियो ।आंउदै गरेको नेपाली नयां वर्ष २०८१ सालको अवसरमा अर्घाखाँची समाज जापानले सांस्कृतिक सांझ गर्ने भएको…
पाल्पा । भरुवा बन्दुक सहित ४ जनालाई प्रहरीले नियन्त्रणमा लिएको छ । चैत्र १२ गते…
कालीगण्डकीमा निर्माणाधीन पुल: स्याङ्जाको चापाकोट नगरपालिका १० र पाल्पाको रामपुर नगरपालिका १० जोड्नका लागि कालीगण्डकी…
टोकियो । जापानको नेपाली समुदायबीच चिरपरिचित मिडिया कम्पनी जिएमटी इन्टरनेशनलले नयाँ एप सार्बजनिक गरेको छ…
काठमाडौं । लोक तथा दोहोरी गायक रामचन्द्र चन्दले सर्वोत्कृष्ट विन्दवासिनी म्युजिक अवार्ड प्राप्त गरेका छन्…