कोरोना संक्रमण हालसम्मकै उच्च, एकै दिनमा ५ सय भन्दा धेरै थपिए

पाल्पा । नेपालमा एकै दिनमा ५ सय भन्दा धेरै कोरोना संक्रमित थपिएका छन । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ५ सय ८६ जना संक्रमित थपिएका छन् । यो संख्या एकै दिनमा संक्रमण हुनेको हालसम्मकै उच्च दर हो ।
बुधबार थपिएका सहित कुल संक्रमित ७ हजार १ सय ७७ पुगेको छ । स्वास्थ्य तथा जनसंख्या मन्त्रालयका प्रवक्ता जागेश्वर गौतमका अनुसार पछिल्लो २४ घण्टामा संक्रमण भएका ९ जना कोरोनामुक्त भएका छन् । प्रबक्ता गौतमका अनुसार हालसम्म १ हजार १ सय ६७ जना कोरोनामुक्त भई विभिन्न अस्पतालबाट डिस्चार्ज भएका छन् ।
त्यस्तै हालसम्म २० जना मृतकमा कोरोना संक्रमण पुष्टि भएको छ । लकडाउन खुकुलो भएसङ्गै कोरोना संक्रमण हुनेको संख्या पनि दिनप्रतिदिन बढेको छ ।