टोकियो । जापानको सबैभन्दा ठूलो विमान सेवा प्रदायक कम्पनी एएनए होल्डिङ्स इंकले ३ अर्ब ८० करोड डलर कर्जा पाएको छ । कोभिड–१९ को महामारीका कारण हवाई यात्रामा कमी आएसँगै बाँच्नका लागि कम्पनी संघर्ष गरिरहेको छ ।संघर्षकै क्रममा कम्पनीले सबओर्डिनेटेड कर्जा अन्तर्गत यो कर्जाको रकम पाएको हो l
यस्तोमा कम्पनीले सबओर्डिनेटेड कर्जा अन्तर्गत सो रकम पाएको यस मामिलाबारे जानकार तीन स्रोतको भनाई उद्धृत गर्दै अन्तरराष्ट्रिय समाचार संस्था रोयटर्सले समाचार छापेको हो ।
यो मध्ये १ खर्ब ३० अर्ब येन सुमितोमो मिचुई फाइनान्सियल इंकबाट पाएको हो । अर्को १ खर्ब ३० अर्ब येन भने सरकारी बैंक डेभलपमेन्ट बैंक अफ जापान (डीबीजे)बाट आएको हो । बाँकी रकम भने मिजुहो फाइनान्सियल ग्रुप, मिचुबिशी यूएफजे फाइनान्सियल ग्रुप र सुमितोमो मिचुई ट्रष्ट बैंकबाट आएको बताइएको छ ।
महामारी शुरु भएयता जापानमा सहमति जनाइएको यो पहिलो ठूलो आकारको सबओर्डिनेटेड कर्जा प्याकेज हो ।
सरकारले पयर्टन क्षेत्रलाई टेवा दिन ल्याएको गो टू ट्राभल अभियानका कारण पछिल्ला केही दिनमा एनएएको हवाई उडानको माग बढेको भएपनि बूकिङ अझै पनि गत वर्षको स्तरभन्दा कम छ ।
यस्तोमा विमानहरु या त ग्राउन्डेड छन् या थोरै मात्रै यात्रीहरु राखेर चलाइएको छ । आफूलाई बचाइराख्न एएनएले हवाई सेवा प्रदायकहरुले नगद प्रवाह गरिरहेका छन् । जुन ३० सम्मको तीन महीनामा एएनएको सञ्चालन घाटा १ खर्ब ५९ अर्ब येन (१ अर्ब ५१ करोड डलर) थियो ।
विर्तामोड, झापा — नव आदर्श टोल विकास संस्थाले सामाजिक उत्तरदायित्वका भावना सहित समाजसेवामूलक अभियान अन्तर्गत…
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…