पछिल्लो २४ घण्टामा २७३ जना कोरोना संक्रमीत थपिए

पाल्पा । पछिल्लो २४ घण्टामा नेपालमा २७३  जना कोरोना भाइरसका संक्रमित थपिएका छन् । शनिबारसम्म ७२ जिल्लामा कोरोना संक्रमण फैलिएको छ।
स्वास्थ्य तथा जनसंख्या मन्त्रालयले गरेको नियमित प्रेस ब्रीफिङ्गका क्रममा विभिन्न जिल्लामा गरी पछिल्लो २७३ जना नयाँ संक्रमित थपिएको जानकारी दिईएको हो । यससँगै नेपालमा कोरोना संक्रमितको संख्या ५ हजार तिनसय ३५ पुगेको छ । जसमध्ये ९ सय १३ जना उपचारपछि निको भएका छन् ।
मन्त्रालयका अनुसार पछिल्लो २४ घण्टामा कोरोना संक्रमण बाट २ जनाको मृत्यु भएको छ । यो संगै कुल १८ जनाको कोरोना संक्रमण बाट मृत्यु भएको छ ।
शनिबारसम्म नेपालमा १ लाख २७ हजार २ सय ८८ जनाको पिसिआर विधिबाट परीक्षण गरिएको छ भने १ लाख ५० हजार  ५ सय ५० जनालाई क्वारेन्टिनमा राखिएको छ ।