काठमाडौं । अन्ततः गूगलले आफ्नो पछिल्लो अपरेटिङ सिस्टम एन्ड्रोइड इलाभेन सार्वजनिक गरेको छ । याे अपरेटिङ सिस्टम गूगलकाे पिक्सेल टू र त्यसमाथिका स्मार्टफाेनका साथमा वानप्लस, साओमी, ओप्पो, रियलमी लगायतका फाेनका प्रयोगकर्ताहरुले प्रयाेग गर्न पाउनेछन् ।
तपाईंले केही वर्षदेखि आँकलन गरेका धेरै फिचरहरू त एन्ड्रोइड इलाभेनमा छैनन् । तर मेसेजिङ, प्राइभेसी र स्मार्ट डिभाइसमा कन्ट्रोल गर्न दिने फिचरहरु यसले दिएकाे छ ।
यसअन्तर्गत पिक्सेल टू, थ्री, थ्री ए, फोर र फोर ए मा नयाँ अपरेटिङ सिस्टम प्रयाेग गर्न सकिन्छ । उत्तर अमेरिका, युरोप र भारतमा वानप्लस एट र एट प्रोमा प्रयाेग गर्न सकिन्छ । ओप्पोका एक्सटु र रेनो थ्रीका साथमा रियलमीको एक्स फिफ्टी प्रो र साओमीकाे मी एमआई टेन र एमआई टेन प्रो मा पनि एन्ड्राेइड इलाभेन अपडेट गर्न सकिन्छ ।
प्रयोगकर्ताका लागि नयाँ लाग्ने केही फिचरहरु यस्ता छन्, जसले दैनिक जीवनमा निकै महत्व राख्छन् । मेसेजिङ एप चलाउन निकै सरल बनाएकाे एन्ड्राेइड इलाभेनले प्रयाेगकर्ताकाे गाेपनियतालाई ध्यान दिँदै अपडेटेड फिचर ल्याएकाे छ । साथमा फाेनबाटै स्मार्ट डिभाइसमा कन्ट्रोल गर्न नयाँ फिचरहरु याे अपरेटिङ सिस्टमले दिनेछ ।
१. यो एपमा धेरै मेसेजिङ एपहरुलाई एकै ठाउँमा राख्न सकिने फिचर छ । यसअन्तर्गत म्यासेजिङ एपमा भएका कुराकानी (टेक्स्ट कन्भर्सेसन) नोटिफिकेसन सेक्सनको डेडिकेटेड स्पेसमा लैजान सकिन्छ । यसकारण एकै ठाउँबाट तपाईंले कन्भरसेसनलाई म्यानेज गर्न सक्नुहुन्छ ।
तपाईंले आफ्ना महत्वपूर्ण व्यक्तिहरुको म्यासेज नछुटोस् भन्नका लागि प्राथमिकतामा त्यस्ता कन्भरसेसन राख्न समेत सक्नुहुन्छ ।
२. यस्तै एन्ड्रोइड अपरेटिङ सिस्टमकाे नयाँ अपडेटमा ‘बबल्स’ फिचर उपलब्ध छ, जुन तपाईंको डिभाइसमा मल्टी टास्किङ फिचर हाे । याे फिचरका कारण कुनै एपमा मेसेज आउँदा फेसबुक मेसेन्जर जस्तै आफूले चलाइरहेको एप बन्द नगरिकनै रिप्लाई दिन मिल्छ । बबल्स ड्र्याग गरेकै आधारमा तपाईंले धेरै काम छिटो गर्न सक्नुहुन्छ ।
३. अन्ततः गूगलले यसमा ब्युल्ट-ईन स्क्रीन रेकर्डिङ फिचर ल्याएकाे छ । अब तपाईंले आफ्नो फोनमा के भइरहेको छ भनेर स्क्रीन क्याप्चर गर्न वा रेकर्ड गर्न सक्नुहुन्छ र यसलाई शेयर गर्न सक्नुहुन्छ ।
४. अब तपाईंले फाेनकाे पावर बटनमा प्रेस गरेकै भरमा कन्ट्राेल स्क्रीन ल्याउन सक्नुहुन्छ र स्मार्ट डिभाइसहरुमा एक्सेस गर्न सक्नुहुन्छ । कुनै मल्टिपल एपहरु नखोलिकनै तपाईंले आफ्ना कनेक्टेड डिभाइसहरु नियन्त्रण गर्न सक्नुहुन्छ ।
५. एन्ड्राेइड इलाभेनबाट सञ्चालित माेबाइलमा वायरलेस रूपमै एन्ड्राेइड अटाेले काम गर्नेछ । गूगल असिस्टेन्टकाे सहयाेग लिएर तपाईंले म्यापकाे डिरेक्सन प्राप्त गर्न, बोलेरै टेक्स्ट पठाउन र आफ्नो मनपर्ने मिडिया (अडियाे/भिडियाे) प्ले गर्न सक्नुहुन्छ ।
६. एन्ड्राेइड इलाभेनमा मिडिया कन्ट्राेलकाे फिचर परिमार्जित रूपमा आएकाे छ, जसका कारण याे फिचर पहिलेभन्दा थप सहयाेगी बन्न सक्छ । यसबाट प्ले भइरहेकाे मिडिया तपाईं सजिलै स्वीच गर्न सक्नुहुन्छ । साथमा यसले नाेटिफिकेशन शेडबाट एकदमै छिटाे आउटपुट अडियाे छान्ने सुविधा दिएकाे छ।
७. माइक्रोफोन, क्यामेरा, लोकेसन आदिका लागि एकपटक अनुमति लिएर मात्रै एक्सेस गर्न मिल्ने सुविधा दिइएकाे छ । जसका कारण अर्काेपटक एप चलाउँदा अनुमतिका लागि अनुराेध गर्दछ । अप्रुभ गरेपछि मात्रै यी एप चलाउन मिल्नेछ । यसले गर्दा अन्य व्यक्तिले तपाईंकाे एपमा सहजै प्रवेश पाउन सक्ने छैनन् ।
८. यदि तपाईंले आफ्नो डिभाइसमा कुनै एप इन्स्टल गरेपनि प्रयोग गर्नुभएको छैन भने पक्कै पनि तपाईंले याे एपबाट आफ्नो डेटा एक्सेस नहाेस् भन्ने चाहनुहुन्छ । अब ‘अटो-रिसेट’काे सहयाेगले तपाईंले प्रयोग नगरिरहेका एपकाे सूचना प्राप्त गर्न सक्नुहुन्छ । यस्ता प्रयोग नगरिएका एपकाे सुविधा प्रयोग गर्नपरे पुनः अनुमति लिनुपर्ने हुन्छ ।
९. गूगल प्ले सिस्टम अपडेट माेड्युलमा आएकाे फिचरका कारण तपाईंको फोन सधैं सुरक्षित राख्न, गाेपनीयता कायम गर्न र अपडेटेड गरिरहन सक्नुहुन्छ । यसले कुनै समस्याकाे समाधानका लागि अर्को अपरेटिङ सिस्टम कुर्नुपर्ने बाध्यताकाे अन्त्य गरिदिएकाे छ ।
१०. एन्ड्रोइडका इन्टरप्राइज प्रयोगकर्ताका लागि एन्ड्रोइड इलाभेनले आफ्नो व्यक्तिगत डिभाइसदेखि कम्पनीकाे डिभाइसमा प्राइभेसी प्रोटेक्सन गर्ने फिचर ल्याएको छ । यसले तपाईंको फोनमा रहेको एक्टिभिटी वा व्यक्तिगत प्रोफाइल मनिटरिङ नगरिकनै आईटी डिपार्टमेन्टले डिभाइसलाई म्यानेज गर्न सक्छ ।
११. यदि तपाईं गूगलकाे पिक्सेल टू वा अझै माथिका फोन चलाउनुहुन्छ भने एन्ड्राेइड इलाभेनबाट आफ्नो फोन म्यानेज गर्न वा अर्गनाइज गर्न अझ धेरै फिचरहरु प्राप्त गर्न सक्नुहुन्छ । जस्तै तपाईंको दैनिक रुटिनको आधारमा फोनको होम स्क्रीनमा एपहरु अपरेटिङ सिस्टमले नै सजेस्ट गर्छ । त्यस्तै गूगल म्यापकाे लाइभ भ्यू फिचरमा लाेकेसन सेयरिङ गर्ने नयाँ सुविधा प्रयाेगकर्ताले पाउनेछन् ।
जापान । जापानबाट नेपाल लगायत विश्वका विभिन्न देशहरुमा पैसा पठाउँदै आइरहेको फोरेक्स रेमिटेन्सले मोवाईल एप्लिकेसन…
बिर्तामोड। अनारमनी सोशल यूथ क्लबले आयोजना गरेको बिर्तामोड रनको तेस्रो संस्करण आगामी १४ कार्तिक २०८१…
दमक, उत्प्रेरक उद्यमी समाज बिर्तामोड ४, झापाको दोस्रो वार्षिक साधारण सभा आज सफलतापूर्वक सम्पन्न भएको…
काठमाडौँ – राष्ट्रिय स्वतन्त्र पार्टीका सभापति रवि लामिछानेलाई सहकारी ठगी प्रकरणमा प्रहरीले शुक्रबार पक्राउ गरेको…
काठमाडौ: समकालीन विश्वमा चीन दोस्रो ठूलो कार बजार र अर्थतन्त्रको आकारमा पनि दोस्रो स्थानमा रहेको…
काठमाडौ। लण्डन, ओन्टारियोको प्रतिष्ठित म्युजिक हलमा हुन लागेको नेपाली गायक सबिन राई एण्ड द फरोजको…