एजेन्सी, बैशाख २४ । बेलायतमा कोरोना भाइरसबाट युरोपकै सबैभन्दा बढी मानिसको मृत्यु भएको छ । यसअघि इपिसेन्टर मानिएको इटालीलाई पनि उछिन्दै बेलायतमा मृत्यु हुनेको संख्या २९ हजार ४२७ पुगेको हो ।
इटालीमा भने कोरोनाका कारण मृत्यु हुनेको संख्या २९ हजार ३१५ छ । संक्रमितमा भने इटालीमा २ लाख १३ हजार नाघ्दा बेलायतमा १ लाख ९५ हजार पुगेको छ ।
कोरोना भाइरससम्बन्धी दैनिक विवरण सार्वजनिक गर्दै ब्रिटिश विदेशमन्त्री डोमिनिक राबले यसलाई ठूलो विपदको संज्ञा दिए । ब्रिटेनमा मृतकको संख्या इटलीमा भन्दा तीव्र गतिमा वृद्धि भएको जनाइएको छ ।
संसारमा अहिलेसम्म कोरोना भाइरस संक्रमणबाट मृत्यु हुनेको संख्या २ लाख ५८ हजार ३ सय नाघेको छ भने संक्रमित ३७ लाख २८ हजार कटेको छ । १२ लाख ४२ हजार मानिस भने उपचारपछि घर फर्किएका छन् ।
सबैभन्दा बढी मानिसको मृत्यु भने अमेरिकामा ७२ हजार २ सय नाघेको छ । १२ लाख ३७ हजारभन्दा बढी मानिस संक्रमित छन् ।
विर्तामोड, झापा — नव आदर्श टोल विकास संस्थाले सामाजिक उत्तरदायित्वका भावना सहित समाजसेवामूलक अभियान अन्तर्गत…
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…