धरानमा कोरोना संक्रमणका कारण ९ वर्षीया बालिकासहित थप दुई जनाको मृत्यु

काठमाडौं : कोरोना भाइरस संक्रमणमा कारण धरानस्थित बीपी कोइराला स्वास्थ्य विज्ञान प्रतिष्ठानको कोभिड अस्पतालमा थप दुईजनाको मृत्यु भएको छ।

मृत्यु भएकामा इटहरीकी ९ वर्षीया बालिका र धरानका ६१ वर्षीय पुरुष रहेको अस्पतालका सहप्रवक्ता डा आशिष श्रेष्ठले जानकारीदिए। सोमवार कोभिड–१९ पुष्टि भएपछि मंगलवार अस्पताल भर्ना भएकी इटहरी वडा ६ की ९ वर्षीया बालिकामा अटो इम्युन कन्डिसनरहेको अस्पतालले जनाएको छ।

उनको बुधवार बिहान ३:२५ बजे मृत्यु भएको हो। त्यसैगरी असोज ३० गते कोरोना पुष्टि भएका धरान वडा १ का पुरुषमाहाइपरटेन्सनलगायतका रोग भएको उल्लेख गरिएको छ। उनको बुधवार बिहान ३:१५ बजे मृत्यु भएको हो अस्पतालले जनाएको छ। यसअस्पतालमा कोरोना संक्रमणका कारण हालसम्म ८५ जनाको मृत्यु भइसकेको छ।