करिश्मा ३ जीपीए र शान्ता २.६५ जीपीए मा उतिर्ण

काठमाण्डौँ, असार १२ । अभिनेत्री करिश्मा मानन्धरले एसइइ परीक्षामा ३ जीपीए नम्बर ल्याएर उतिर्ण भएकी छिन। त्यस्तै नेपाल कम्युनिष्ट पार्टी नेकपाकी संसदीय दलकी सचेतक शान्ता चौधरीले २.६५ जीपीए ल्याएर एसईईमा उत्तीर्ण हुनु भएको छ ।

तीन दशक लामो अभिनय यात्रपछि करिश्माले कक्षा ७ बाट मैतिदेवीको त्रिवेणी पब्लिक स्कूलमा एसईई परिक्षा दिएकी हुन्। उनको परीक्षा केन्द्र विजय स्मारक माध्यमिक विद्यालय डिल्लीबजार थियो ।

त्यस्तै चौधरीले दाङको तुलसीपुर उपमहानगरपालिका ६ मा रहेको मावि सेन्टर तुलसीपुरबाट परीक्षा दिनु भएको थियो । चौधरीले नियमिततर्फ महेन्द्र मावि तुलसीपुरमा सञ्चालित खुला विद्यालयमा अध्ययन गरेकी थिइन । २०७३ सालमा मावि डाँडागाउँमा कक्षा आठमा भर्ना भएर औपचारिक पढाइ सुरु गरेकी थिइन ।