जापान । नेपाल पत्रकार महासंघ जापान शाखाको तेस्रो पूर्ण वैठक तथा गुन्मामा सक्रिय रहेका विविन्न संघसंस्थाका प्रतिनिधीहरुसंग छलफल तथा अन्तरक्रिया कार्यक्रम सम्पन्न भएको छ ।
बैठकमा शाखाको विभिन्न विभागहरुको गतिशिलता र गतिविधीहरुको समिक्षात्मक रिपोर्ट सहित गत महिनाको नोभेम्बर २४ तारिख आईतबार टोकियोमा सम्पन्न पत्रकारहरु लक्षित ‘पुनर्ताजगी तथा क्षमता अभिवृद्धि अनुशिक्षण’ कार्यक्रमको समिक्षा गर्दै आगामी कार्ययोजना सम्बन्धि वृहत छलफल गरिएको छ ।
बैठक लगतै संघसंस्थाका प्रतिनिधीहरुसंग गरिएको अन्तर्क्रियामा एनआरएनएका सदस्य राजेश खनालले पत्रकार महासंघले गुन्मामा गरेको यो कार्यक्रम अरु संघसंस्थाका लागि पनि प्रेरणादायी र नमूना भएको भन्दै विभिन्न सन्चार माध्याममा आउने बिशेषत: मृत्युभएका मानिसको समाचार लेख्दा, मृत्युको प्रकृति विवरण सहितको समाचार प्रकाशन वा प्रशारण गर्दा मानवीय संवेदनशिलतालाई ध्यान दिनुपर्ने कुरामा जोड दिन सुझाए ।
नेपाली साझा समाज जापानका सल्लाहकार हरी अधिकारीले अकालमा हुने मृत्युलाई रोक्न सकिने हुँदा विद्यार्थीहरुलाई यहाँको नियम सम्बन्धी सामान्य जानकारीमा पनि समस्या रहेकोले त्यसलाई न्युनीकरण गर्नुपर्ने बताए । त्यस्तै जनसम्पर्क समिति किताकान्तोका अर्जुन सुवेदीलेले जापानको सामान्य नियम नै थाहा नहुँदा विद्यार्थीहरुलाई समस्या पर्ने गरेको भन्दै सूचनामूलक जानकारीको खाँचो रहेको औँल्याए ।
अन्तर्क्रियामा प्रतिनिधीहरुले जापानमा भिषा खुलिरहेको भनेर पैसा असुल्ने र नेपालीहरु विचल्लीमा पर्ने गरेको घटनाप्रति लक्षित गर्दै यस्ता गतिविधी रोक्न पत्रकार महासंघले आफू मातहातका मिडिया मार्फत यहाँको यथार्थाता र नियम संगत बिषयलाई जानकारी मूलक सूचना प्रवाह गर्न गराउनुपर्नेमा बिशेष ध्यान दिनुपर्ने कुरामा जोड दिए । कार्यक्रम महासंघको संघसंस्था समन्वय विभागको आयोजनामा भएको थियो ।
विर्तामोड, झापा — नव आदर्श टोल विकास संस्थाले सामाजिक उत्तरदायित्वका भावना सहित समाजसेवामूलक अभियान अन्तर्गत…
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…