अमेरिका शिकागो, लक्ष्मण न्यौपाने(आदर्श) । अमेरिकामा रहेका नेपालीहरुका पुराना र ठुला तिन संस्था एन्मा, नासिया र एएनएको संयुक्त सम्मेलन नेपाली नेशनल कन्भेसनका लागि शिकागोमा लगभग तयारी पुरा भएको आयोजक हरुले जनाएका छन् । शिकागोमा आईतबार सम्मेलन आयोजक समितिका पदाधिकारी, स्थानिय संघ संस्थाका प्रतिनिधी र पुर्व अध्यक्ष तथा संस्थाका सल्लाहकारहरुको संयुक्त बैठक बसेपछि सम्मेलनको तयारी लगभग पुरा भएको आयोजकहरुले जनाएका छन् ।
हरेक बर्ष लेबर डे सप्ताहन्तको अवसर पारेर एन्मा र नासियाले संयुक्त सम्मेलन गर्दै आएकोमा यस बर्ष देखी अर्को पुरानो संस्था एएनए पनि जोडिए पछि नेपाली नेशनल कन्भेसनको नाममा कार्यक्रम आयोजना हुन लागेको छ ।
नेपाली समाजको एकताको लागि भन्ने नाराका साथ हुन लागेको सम्मेलन ३ दिन सम्म चल्ने छ। सम्मेलन आयोजनाका लागि अहोरात्र खटिरहनुभएका सम्मेलनका संयोजक तथा एन्मा अध्यक्ष बाला घिमीरेका अनुसार ३ दिनकै लागि सम्पुर्ण कार्यक्रमहरु तयार भईसकेका छन् । आईतबार शिकागोमा रहेका नेपाली संघ संस्था र शिनियर हरुसँग भेला पछि आफुलाई थप उत्साह प्रदान भएको घिमीरेले बताउनुभयो ।
पुर्व प्रधानमन्त्री माधव नेपालको प्रमुख आतिथ्यतामा हुन लागेको कार्यक्रममा कांग्रेस प्रवक्ता बिश्वप्रकाश शर्मा पनि कार्यक्रम आउने पक्का भएको छ । नेपालको पर्यटन प्रवद्धन तथा आर्थिक सहयता लगायतका बिभिन्न क्षेत्रलाई समेटेर आयोजना फोरमहरुका साथै चलचित्र अवार्ड, चर्चित कलकारहरुको कन्सट र सांस्कृतिक कार्यक्रमहरुले दर्शकहरुलाई ज्ञानका साथै मनोरञ्जन दिन आफुहरुले तयारी गरिरहेको सम्मेलनका सचिव डाक्टर दिवाकर दाहालले बताउनुभयो ।
दाहालका अनुसार आईतबार सांभ फिल्म फेस्टिबल आयोजना हुन लागेको हो । फेस्टिबलका लागि नेपालबाट भुवन केसी, अनमोल केसी, सुनिल थापा, निता ढुंगाना, सरिता लामिछाने लगायतका दुई दर्जन भन्दा धेरै कलाकारहरु आउने पक्का भईसकेको छ ।
अगष्ट ३१ देखि सेप्टेम्बर २ सम्म चल्ने सम्मेलनका लागि अमेरिकाको बिभिन्न राज्यबाट नेपालीहरुले रजिष्ट्रेशन गरिरहेको आयोजकहरुले जनाएका छन् । ३१ तारिख सांझ पुर्व प्रधानमन्त्री माधव नेपाल, बिश्वप्रकाश शर्मा, फिल्मी कलाकार लगायतसंग बिषेश डिनरको आयोजना समेत गरिएको छ । शिकागोमा रहेका नेपालीहरुका लागि बिषेश छुटका साथ सम्मेलनमा सहभागी गराउन लागेको पनि संयोजक बाला घिमीरेले बताउनुभयो ।
आईतबारको छलफलमा पुर्व अध्यक्ष तथा सल्लाहाकारहरुले सम्मेलन आयोजक समितिले गरेको कामहरुको प्रशंसा गरेका थिए भने स्थानिय संघ संस्थाका प्रतिनिधीहरुले आफुहरु शिकागोमा सम्मेलन भब्य रुपमा सफल पार्न आतुर रहेको बताएका थिए ।
बिर्तामोड, झापा — झापा गोल्डकपका पूर्वअध्यक्ष तथा बिर्तामोडका चर्चित युवा उद्यमी विनोद बस्नेत आफ्नै निवासमा…
बिर्तामोड- झापाको बिर्तामोडमा क्राइटेरियन एजुकेशन फाउण्डेशन सञ्चालनमा आएको छ । नयाँ वर्षको थालनीसँगै बिर्तामोडमा क्राइटेरियन…
काठमाडौँ — त्रिभुवन विश्वविद्यालयले जापानको युनिभर्सिटी अफ इन्फरमेटिक्स कोतो (केसीजीआई) सँगको सहकार्यमा प्रविधिमैत्री संगीतसम्बन्धी नयाँ…
काठमाडौँ – आमाको मुख हेर्ने पर्व : श्रद्धा, भक्ति र आशीर्वादको अनुपम अवसर हरेक वर्ष…
बिर्तामोड , २०८०, २२ जेष्ठ सोमबार बिर्ताबजार स्थित महेन्द्ररत्न माध्यमिक विद्यालय अगाडि विश्व वातावरण दिवसका…
झापा। मञ्जुश्री अशाहाय संरक्षण केन्द्र, झापा शाखाको नेतृत्वमा नयाँ ऊर्जा थपिँदै मञ्जु ओलीले अध्यक्ष पद…