२९ साउन, कालीकोट । खाँडाचक्र नगरपालिका-१ कोटदरबारमा रहेको जिल्ला नापी कार्यालय र मालपोत कार्यालय, कालीकोटमा अज्ञात समूहले बम बिस्फोट गराएको छ । दिउँसो २ बजे तीनजनाको संख्यामा आएका अपरिचित ब्यक्तिले सँगै रहेका मालपोत र नापी कार्यालयको भित्तामा बम बिस्फोट गराएर भागेका थिए ।
बिस्फोट भएको ३० मिनेटपछि प्रहरी घटनास्थल पुगेको थियो । बिस्फोटले नापी कार्यालयको पछाडि पट्टीको भित्तामा क्षती पुगेको छ । विप्लव नेतृत्को नेकपाले गरेको नेपाल बन्द सफल पार्न कार्यकर्ताले नै बम बिस्फोट गराएको हुन सक्ने प्रहरीले अनुमान गरेएको छ ।
प्रत्यक्षदर्शी स्थानीय लाइशोभा अधिकारीका अनुसार बिस्फोट गराउनेहरु काम छ भन्दै विहानैदेखि मालपोत र नापी कार्यालय नजिकै बसेका थिए । यस्तै कर्णाली राजमार्ग अन्तर्गत कालीकोटको कालेखोलामा पनि बम बिस्फोट भएको प्रहरीले जनाएको छ ।
दुईजना पक्राउ
बम बिष्फोट गराएको आशंकामा प्रहरीले दुईजनालाई पक्राउ गरेको छ । कालीकोट जिल्ला शान्नी त्रिबेणी गाउँपालिका-८ मुम्राका ३० वर्षे काशी दर्जी र नरहरीनाथ गाउँपालिका कोटबाडाका अनीपाल बिकलाई पक्राउ गरिएको जिल्ला प्रहरी कार्यालय कालीकोटका प्रहरी निरीक्षक निरोज चौलागाईंले जानकारी दिए ।
पक्राउ परेका दर्जीले कालेखोलामा र बिकले नापी र मालपोत नजिक बम विस्फोट गराएको प्रहरीले बताएको छ ।
विर्तामोड, झापा — नव आदर्श टोल विकास संस्थाले सामाजिक उत्तरदायित्वका भावना सहित समाजसेवामूलक अभियान अन्तर्गत…
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…